Naalakkersuisut
Qujaukitsoq: Piffik aalassassimaarnarsimavoq
Aningaasaqarnermut aatsitassanullu naalakkersuisuusimasup isertuutinngilaa aningaaasanut inatsisip isumaqatigiinniutigileruttornerani oqartussaaffimmik tigusineq tamaviaarnartuusimasoq
Akisussaaffik tigusimavara aningaasanut inatsisissatut siunnersuutip Inatsisartuni pingajussaaneerneqarnissaa sioqqutitsiarlugu, taamaattumik arlaannik allanngortitsiniarnissaq killeqartorujussuusimavoq, Vittus Qujaukitsoq nassuiaavoq.
Naalakkersuisut siulittaasuata Kim Kielsenip (S) aningaasaqarnermut aatsitassanullu naalakkersuisutut sulisimanera nersualaaraluaraa, taassuma nassuerutigaa piffik tamanna aalassassimaarnarsimasoq.
Mamakujuttunut akitsuut
Taassuma aningaasaqarnermut naalakkersuisuunerata nalaani ilaatigut qaleralinnik tunisinermut akitsuut, minnerunngitsumillu mamakujuttunut akitsuutip, niuertarfiutilinnut pakatsissutigineqartorujussuarmik kingumut atuutilersumik qaffanneqarnera, oqallisigineqartorujussuusimapput.
– Mamakujuttunut akitsuut ilinniarfigisimasorujussuuarput, siunissamilu eqqaamallugulu sianigissavarput akitsuutit qaqugukkut atuutsinneqartalissanersut, taanna oqarpoq.
Allaanerusinnaagaluarpoq
Mamakujuttunut akitsuutip atuutilerneranut allannguutissatut siunnersuut Naalakkersuisut suliarileruttorpaat, naatsorsuutigaallu siunnersuut taanna Inatsisartut upernaakkut ataatsimiinneranni saqqummiunneqarumaartoq.
Taanna aamma isumaqarpoq 2016-imut Aningaasanut Inatsit allatut isikkoqarsinnaasimagaluartoq, nammineq aallaqqaataaniilli aningasaqarnermut aatsitassanullu naalakkersuisuusimagaluaruni.
Oqaluttuaq tamaat Sermitsiami saqqummersumi kingullermi atuaruk, taannalu pisiarisinnaavat uani: