ukioq qinersiviusoq
Qujaukitsoq atsiornernik tunniussereersoq
Naalakkersuisuni ilaasortaasimasoq Vittus Qujaukitsoq, Siumumit siorna septembarimi ilaasortaajunnaartoq, partiimik nutaamik pilersitsivoq atsiornerillu katersugai Qinersinermut Ataatsimiititaliap Allattoqarfianut ingerlateqqinneqareerlutik
Partiitoqaq Atassut, partiillu nutaat marluk Michael Rosingip partiia Suleqatigiissitsisut aamma Vittus Qujaukitsup partiia Nunatta Qitornai, Inatsisartunut qinersinissami tullermi qinigassanngortissinnaajumallutik atsiornernik katersileruttorput, tamatumanimi atsiornernik 942-nik katersinissaat piumasaqaataammat.
Vittus Qujaukitsoq aamma Atassut atsiornernik tunniussereerput Qinersinermullu Ataatsimiititaliap Allattoqarfiata atsiornerit tamarmik atorsinnaanersut misissuleruttorpai. Qinersinermut Ataatsimiititaliap Allattoqarfia, Kommuninut, nunaqarfinnut, isorliunerusunut, attaveqaqatigiinnermut ineqarnermullu naalakkersuisoqarfiup ataaniittoq taama ilisimatitsivoq.
Affaat angugaat
Michael Rosing partiimik Suleqatigiissitsisunik pilersitsisoq, aaqqissuisoqarfiup naammassilernerani atsiortitassami affaasa missaannik, 400-t sinnilinnik katersereersimavoq.
Partiini pingasuni tapersersuinerup qanoq innera Sermitsiami paasisaqarfiginerusinnaavat. Aviisi elektroniskiusoq uani ataani isissutissarsiffigisinnaavat: