Nuuk
Quiasaarisut: Avannaata Qimussersua arnaasanngortoq
Quiasaarisartut Marie Mathiassen aamma Piitannguaq Alaufesen kulturip illorsuani Katuami aliikkusersuissamaalerput
Quiasaarineq ’Quiasutta’ nuannarineqaqisumik Ilulissani kulturip illorsuani Sermermiuni takutinneqareersoq, Nunatsinni kulturip illorsuani Katuami takutinneqartussanngorpoq. Tamanna pissaaq arfininngornermi sapaammilu quisaarusiat ilagissallugu Avannaata Qimussersuani peqataasup arnaasanngornera.
Takuuk: Assit: Avannaata Qimussersua quianartunngorlugu
Quiasaarusiaq ’Quiasutta’ Ilulissani siullerpaamik martsip arfineq pingajuat takutinneqarpoq aliikkusersuineq marloriarlugu takutinneqarmat billettit tamarmik nungunneqarlutik.
Quisaarisut tassaapput Piitannguaq Alaufsen aamma Marie Mathiassen assigiinngitsunik quiasaarutinik aliikkusersuinerup nalunaaquttap akunnerata aappaa avillugu sivissuseqartumi takutitsisut.
Arnat ulluat
- Isumassarsiaq Avannaata Qimussersuaqalernerani saqqummerpoq. Taamanikkut aputaasappugut eqqarsaatigerujoorparalu qimusseq Akinnakkut sisusoq. Taanna normu 3-ruttorluni perlataarpoq niaqqumigut annerami arnaasanngorluni, Piitannguaq Alaufesen Sermitsiaq.AG-mut oqaluttuarpoq taamaattorli oqaluttuap qaanoq naajumaarnera taannagu.
Marie Mathiassen aamma arnat ulluat pillugu quiasaarusiorsimavoq sorsuunnissamut piariivilluni scenemut iserluni.
Nipilersortartoq Jonas Fleischer aliikkusersuinermi peqataavoq unnuup ingerlanerani Marie Mathiassen aamma erinarsullaqqilluinnartuusoq peqatigalugu appittarluni.
- Ilulissani assut nuannarineqarpugut assullu qilanaarpugut aliikkusersuinerup Nuummi takutinnissaanut, Piitannguaq Alaufesen oqarpoq.