Quiasaarisartoq kalaallit pillugit quiassuaasarnerminut utoqqatsertoq
Qallunaap quiasaarisartup Mick Øgendahlip aliikkusersuinermini kalaallit pissusaannik atuisarnini maanna utoqqatsissutigaa.
- Illarumatuunut naleqqulluinnarpoq. Pingaartumik nunarsuarmi maanna allanngortoqarnerani, quiasaarisartoq Mick Øgendahl Jonathan Klarksvigiusaartarnini pillugu oqarpoq.
Kalaallimik ilaarutilliilluni quiasaarusiaavoq, Mick Øgendahlillu angut ukiut arlallit matuma siorna aliikkusersuinerni arlalinni atortarsimavaa.
Mick Øgendahl Facebook aqqutigalugu videokkut inuit angummik pineqartumik quiassuaasarsimanerminik ajorusuuteqartunut utoqqatserpoq:
- Tamatumunnga ajorusuuteqartunut utoqqatserujussuarpunga, Mick Øgendahl videomi oqarpoq.
Quiasaarisartumut Facebookikkut malinnaasut utsoqatserneq naammaannartumik tiguaat, arlallillu isumaqarput, inuit narrunarsagaasututut misigiunnaartariaqartut, aamma Mick øgendahl utoqqatsertariaqanngikkaluartoq.
Aammali inoqarpoq – ilaatigut kalaalerpassuit akornanni - utoqqatsernermut nuannaaruteqartunik.