Quassussuarmi ukiortaami seqersittakkanik takutitsisoqassasoq

Ukioq manna aammaarluni ukiup nikinnerani Nuup eqqaaniittuni qaqqani seqersittakkanik takutitsisoqassaaq.

Ukioq 2020 coeonamut atatillugu killilersuinernit, inerteqquteqarnerni taamaatitsiinnarnernillu qaqutigoortumik unammillernartorpassuaqarsimavoq.

Ukiorli nutaaq aallartillugu nuannerluinnartumik takutitsisoqassaaq. Naleraq Lightsimi ukiortaap unnuaani Quassussuarmi seqersittakkanik takutitsiniarpoq.

Naleraq Eugeniusip Esekias Therkelsenillu ukiortaami qaqqami seqersittakkanik takutitsinissaq sulissutigisimavaat.

Decembarip 31-ani unnukkut arfineq-pingasuniit Quassussuup kitaata tungaani seqersittakkat takuneqarsinnaassapput, tassani ukioq 2020 takutinneqassalluni. Unnuallu qeqqaniit ukioq 2021 ullaassakkut pingasut tungaanut takuneqarsinnaassaaq.

- Tassani takutinniarparput, tamatta ukiumut nutaamut iserluarnissarput. Innuttaaqativut seqersittakkanik takutitsinissamut pissanganartumut tikilluaqquavut, Nalera Eugenius aamma Esekias Therkelsen oqarput.

Naleraq Eugenius isiginnaartitsisarfinni teknikerisut ilinniagaqarpoq, nunarsuarmilu sumiiffinni assigiinngitsuni seqersittakkanik suliaqartarneq isumassarsiorfigisimallugu. Taassuma aamma ´luminous_greenland´ aaqqissuussimavaa - tassa siorna decembarip qaammataani Ukkusissani ullut tallimat seqersittakkanik takutitsisimavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS