Skip to main content

Qipoqqaat qulit missaanniittut sikkussaasut

Aasiaat eqqaani sikuap imartaminertaani qipoqqaat sikkussaapput

Kalaallisuaata nutsernera nutarterpoq 23.01.2015 nal. 17:54

Aasianniit avannamut kilometerinik tallimanik ungasitsigisumi qipoqqaat qulit sikuap imartaminertaani sikkussaapput.

Aasianni aalisartut piniartullu peqatigiiffianni siulittaasoq Karl Bourup, Sermitsiaq.AG-mut taama oqaluttuarpoq. 

Qipoqqaat, illoqarfiup avatinnguani, kitaata avataata sikuinit unguneqarsimapput immap sikujartornera ilutigalugu.

Aasianni, Qeqertarsuullumi Tunuani piffissami qaangiuttumi assut issippoq, ilaatigut anoraa ilanngullugu Aasianni ullup qeqqanut minus 36,7 angullugu issilluni.

Nunatta kitaani qipoqqaat 2015-mi pisarineqarsinnaasut quliupput. Qipoqqarnik pisaqarnissamut akuersissutillit kisimik pisarsinnaatitaapput januaarip aallaqqaataanit decembarip 31-at ilanngullugu.

Aasiaat avannaani qipoqqaat sikkussaaut assiutigigukkit redaktion@sermitsiaq.ag-mut nassiussinnaavatit. Qanga assilineqarsimanersoq aamma kiap assilisimaneraa allaqqassaaq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER