Nuummi Qinngorpumi sanaartornermik suliniut kommunip akuersissuteqartarfiani suliarineqartussanngorpoq, suliniullu alliartorsimavoq.

Sanaartugassaq ukiaq tusarniaassutigineqarmat, inissiaqarfiit marluk katillugit 48-nik inissiartaqartussaapput, kisianni maanna 60-inut amerlineqarput. Suliniummik ingerlatsisut inissiaqarfinni marluusuni quleriinnik ataatsimik immikkut ilasimmata, tassa quleriit arfinilinnit arfineq-marlunngortitsimmata.

Kommuneqarfik Sermersuup Sanarfinermut Avatangiisinulu Ataatsimiititaa suliniummut aalajangiissaaq, kommunillu ingerlatsivianit inassuteqaat akuersaarneqartoq politikerit suliarissavaat.

Silatai pingaartinneqassasut

Ukiaq tusarniaasoqarnerani ilaatigut innuttaasunik ataatsimiititsisoqarpoq, tassani innuttaasut 25-t missaanniittut takkupput, tusarniaanermullu marlunnik akissuteqartoqarpoq, kisianni allannguisitsinngillat:

- Sumiiffiup inissiaqarfinngortinneqarsinnaanera, aqutsiveqarfiup ataatsimut nalilerpaa. Naak suliniut arlalitsigut appasissumik nalilerneqaraluartoq, inissiaqarfinnut sanaartorneqaleruttortunut ataqatigiilluarsinnaapput, inissiaqarfiup 4A6-ip ilaneqarneranut tulluartuulluni, aqutsiveqarfik ataatsimiititamut taama allappoq.

Aqutsiveqarfik suliniut akuerineqassappat ilanngunneqartussanik piumasaqaateqarpoq. Tassa silataani sumiiffiit salliutinneqassapput:

Piginnittut allanngortut

- Inuusuttut utoqqaallu tamaaniissinnaasariaqarput sumiiffimmillu atuisinnaallutik. Tassami ataatsimoorfiusinnaasut amigaatigineqarput, aqutsiveqarfik allappoq.

Suliffeqarfik Inissat suliniuteqartuuvoq, tassani ukiaaneraniilli piginnittut allanngorsimapput. Jesper Petersen aamma Jeppe B. Steffensen ingerlatseqatigiiffimmit piginnittutut tunuarsimapput, taarsiullugu Permagreen Kalaallit Nunaata piginneqataassutaat tiguai.

Taakkuli marluullutik Permagreenimiipput, tamarmik immikkut piginneqataassuteqarlutik. Per Aarsleff A/S-illi piginneqataassutsit amerlanerpaartaat pigai. Jan Tengstedt Inissat-nik suli piginneqataavoq.

Ataatsimiititap suliniummut qinnuteqaat akuerissappagu, kommunip aningaasaqarnermut ataatsimiititaanut, kingornalu kommunalbestyrelsimut ingerlaqqissaaq.

Nutaarsiassat

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....

Innuttaasunik suliffeqarfinnillu sullissineq pitsaanerusoq

Qatserisartut Sermersuup innuttaasut suliffeqarfiillu  ajornannginnerusumik upalungaarsimasunut attaveqartarnissaat kissaatigivaa.

Nalinginnaasunik apeqqutissaqaruit imaluunniit...