Qinngorpumi aqqusinermi ajutoortoqartoq
Nuummi illoqarfiup immikkoortuanut Qinngorpumut sangoriami lastbili ajutoorpoq, tassanilu aquttoq killueqqaarluni anillatsinneqarpoq, tassanngaanniillu Dronning Ingridip Napparsimmavissualiaanneqarluni.
Nalunaaqutaq 21.00 missaani Qinngorpumut aqqusinermi lastbili ajutoorpoq, inissiallu eqqaani meterinik arlaqanngitsunik ungasissuseqarluni unilluni. Qujanartumik inissiap saavani meeqqanik pinnguartoqanngilaq.
Aquttoq lastbilip iluani kiggiguteqqavoq, ikiuisullu killuillutik angut anisittariaqarpaat.
Aqqusinermi Nuup aamma Qinngorput akornanni angallaffiusumi ajutoorneq siuleriiaarnermik pilersitsivoq.
Aqqusinermit inissiaqarfiup tungaanut sivinganersaqarpoq, kisianni qujanartumik lastbilip inissiaq apunngilaa.
Lastbilimi aquttup qanoq innera ilisimaneqanngilaq. Taamatullu aamma ajutoornermut sukkavallaartumik ingerlaneq imaluunniit allamik pissuteqarnersoq suli erseqqissarneqanngilaq.
Sermitsiaq.AG-p tusagai naapertorlugit allanik ajutooqataasoqanngilaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...