kommuninut qinersineq 2017

Qinigassanngortitut taaguulluarneqartut Atassut annaappaat

Partii ataqatigiiffiusimasoq qinersisartunit tapersersorneqarunnaariartornermik ilungersuuteqarpoq. Qinigassanngortittut malunnaatillit kommunimi partiitut sunniuteqarnerannik attassititsivoq.

Atassut qinersinermi qanga kingullermik ajugaasimanersoq amerlanngitsut immaqa eqqaamasinnaavaat.

Inatsisartunut aamma kommuninut qinersinerit kingulliit kinguariartuinnarnermik takutitsivoq.

Maanna qinersinermi aamma partii kinguariarpoq, kisianni 1,1 procentpointimik kinguariarneq ingasanngilaq.

Nuannarineqarluartunik qinigassanngortitsinerminni partii annaanneqarsimasinnaavoq.

Qinigassanngortittut marluk 40 procentit pissarsiaraat
Marluk immikkut malunnaateqarput, partiimi siulittaasunngoqqammertoq Siverth K. Heilmann aamma inuusuttaanni siulittaasoq Aqqalu Clasen Jerimiassen taaguulluarneqarput.

Taaguunneqarnerpaasuni taakku Asii Chemnitz Narupimit taamaallaat qaangerneqarput.

Taakku taaguunneqarnerpaasut marluk Atassummut taasinernit 2.949-uusunit katillugu 1.126-nit taaguunneqarput. Atassummik taasisut sisamararterutingajaannik Siverth K. Heilmann aamma Aqqalu Clasen Jerimiassen taaguunneqarsimapput.

Qinigassanngortitut ataasiakkaat kommunimut isertitsisut
Kommuneqarfik Sermersuumi ingammik Mala Høy Kúko taaguulluarneqarnermigut, partii kommunalbestyrelsimut ataatsimik ilaasortanngortitsinermik qulakkeerinnippoq. Steen Lyngep ataatsimik qinigaatitaqarnissamut taasinerit sinnerinut qulakkeerinnittuuvoq.

Qaasuitsoq Kujallermi taamatut pisoqarniarpasippoq, tassani Naja Petersenip Atassummik taasinerit pingajorarterutaat sinnerlugit pissarsiarai, taamaalillunilu ikaarsaariarnissamut ataatsimiititaliamut ataatsimik qinigaatitsinermik qulakkeerinnippoq.

Inuusuttut qinigassanngortittut
Kommuni Kujallermilu Bentiaraq Ottosenip partiip kommunalbestyrelsimi ilaasortaatitaqarnera qulakkeerpaa. Taanna partiimi siulittaasuusimasup Gerhardt Petersenip taaguunneqarneranik marloriaatingajammik pissarsivoq.

Qinerneqartut marluk taakku, tassa Aqqalu Clasen Jerimiassen aamma Bentiaraq Ottosen inuusuttuusut maluginiagassaavoq.

Naak ukiorpassuarni kinguariartoraluarlutik, partii taanna ataqqineqartoq taamaatinnissaa oqaatigissallugu siusippallaarpoq.

Powered by Labrador CMS