Skip to main content

Qinersisartut kalaallit ataqqineqanngillat

Tamanna qallunaat pissaanermik tigumminnittut makitaniartuunerannut takussutissaavoq, taamatut isumaqarpoq IA

Ullluni makkunani Folketingimi peqatigiinni saamerlerni talerperlernilu ataatsimiititaliani inissat siulittaasuuffissallu agguaanneqarput.

– Periusaasaraluarpoq folketingimut qinersinermi Kalaallit Nunaannut Ataatsimiititaliami siulittaasuuffiup kalaallit partiivisa annersaannut tunniunneqartarluni, IA-mit folketingimut ilaasortanngorlaaq Aaja Chemnitz Larsen isumaqarpoq.

– Tamannali Socialdemokratinit Siumumillu imatut paasineqartalersimavoq tassaassasoq partii, Inatsisartunut kommunimullu qinersinermi annersanngorsimasoq, tusagassiorfinnut nalunaarut malillugu taanna oqarpoq.

– Socialdemokratit Siumullu ileqqoq atuuttoq ataqqiumanngilaat, siunnersuutigigamikku Kalaallit Nunaannut Ataatsimiititaliami siulittaasup tulliatut atorfik Siumumut tunniunneqassasoq. Taamaattumik siunnersuut isumaqatiginngilara. Kalaallit Nunaannut Ataatsimiititaliami siulittaasuuffik talerperliit tigorusussimavaat, tamannalu isumaqatigiinniarnerit ilaattut tupaallannartumik Socialdemokratinit akuerineqarpoq, Aaja Chemnitz Larsen oqarpoq erseqqissarlugulu IA aalajangersimasoq Folketingimi sulinermi qallunaat partiivinut attuumassuteqarumanani, qallunaat partiivini politikkimik qilersorsimanata Kalaallit Nunaata soqutigisai pitsaanerpaamik aallukkumallugit.

– Politikkerput ilaasortaaffinnut ataasiakkaanut tuniniarusunneq ajorparput. Inuit Ataqatigiit partiit saamerlermiittut suleqatigiilluartorujussuuvai. Tamannalumi aamma ilaasortaaffinnik, uagutsinnut tunniunneqartunik malunnarluarpoq. Aammattaarli siunertaraarput Folketingimi partiinik allanik, Kalaallit Nunaannut tunngasunik tapersersuerusuttunik, pitsaasumik suleqateqartarnitta nanginneqarnissaa, tusagassiorfinnut nalunaarut malillugu taanna oqarpoq.

Inuit Ataqatigiit naapertorlugit folketingimi sulinermi Kalaallit Nunaata soqutigisaata isumagineqarnissaannut apeqqutaasariaqanngilaq, folketingimut qinersinermi Socialdemokratit qanoq angusarissaartigisimanerat.

Sallersaatillugu ataqqineqartariaqarpoq kalaallit qinersisartut kina Folketingimukartikkusunneraat, ilanngullugulu ataqqineqartariaqarluni partii sorleq kalaallinit innuttaasunit tapersersorneqarnerunersoq. Tamatumunngali pisariaqarpoq kalaallit qinersinerat qallunaat partiivisa ataqqissagaat. Allat tamarmik qallunaat tungaannit pissaanermik tigumiartunit makitaniarnermut takussutissaapput, IA isumaqarpoq.

Manna tikillugu Inuit Ataqatigiinnit ilaasortaq Forsvarsudvalgimi, Retsudvangimi aamma Kalaallit Nunaannut Ataatsimiititaliami ilaasortanngorpoq. Tamatuma saniatigut Inuit Ataqatigiinneersoq Udenrigspolitisk Nævn-imi, Nordisk Råd-mi Europarådimilu sinniisussatut inissinneqarpoq. Ataatsimiititaliani assigiinngitsuni nunatsinnut tunngasunik samminnittoqassatillugu Inuit Ataqatigiit angoqqippaat tamatigut taartaasutut peqataasarnissartik.

– Taamaasilluni aqqutissiuussivugut kalaallit folketingimut ilaasortat folketingimi sulinermi pitsaasumik aallaaveqarnissaannut, qallunaat partiivinut politikkikkut pituttorsimanani, Aaja Chemnitz Larsen oqarpoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER