Qinersinissaq ilimasaarutigileqqippaat
Inatsisartunut qinerseqqittoqalerneranik tusatsiakkat aallarteqqipput. Qinersinissamilli kissaateqarnerit naalakkersuisoqataasut illuatungiliuttullu assigiinngitsumik isummersorfigaat
Qanormita pisoqassava 2019-mut aningaasanut inatsit aamma mittarfissualiornissamut siunnersuut akuersissutigineqarpata?
Politikerit arlallit AG-mit oqaloqatigineqartut ikerinnakkut qinersinissaq ilimasaarutigaat, naalakkersuisooqatigiilli tapersersortaasa Demokraatit naalakkersuisunik suleqateqarneq ingerlatiinnarusuppaat qinersinissaq pinngitsoortinniarlugu politikkikkut isumaqatigiissutaasut
timitalerneqarniassammata.
Taamaattumik ulloq novemberip 26-at tassaavoq Inatsisartuni ilaasortat pissangallutik utaqqisaat. Ullormi taanna 2019-mut aningaasanut inatsisissaq akuersissutigineqassaaq. Taanna sioqqullugu ilimanarluarpoq mittarfissualiornissamik siunnersuut sapaatip akunnera tulleq akuersissutigineqarumaartoq.
Siunnersuut sapaatip akunnera kingulleq aappassaanneerneqarmat Demokraatit naalakkersuisooqataasullu sanaartornissamik isumaqatigiissusiorsimanertik aalajangiusimavaat.
- Tusatsiakkani tusaamavarput aningaasanut inatsisissatut siunnersuut aamma mittarfissualiornissamik siunnersuut akuersissutigineqarpata qinersinissaq nalunaarutigineqassasoq. Assigiinngitsutigut piareersartoqarpoq. Inatsisartut torsuusaanni tusatsiagarpassuusarput. Piffissalli sivisunngitsup ingerlanerani arlaleriarluta tusarparput partiit arlallit qinersinissamut piareersartut, AG-p tusarfia aterminilli taasaqarusunngitsoq oqarpoq.
Allaaserineqartoq tamakkiisumik aviisimi AG-mi atuarneqarsinnaavoq. Aviisi uani pisiariuk: