Skip to main content

Qinersinissamik annertuumik sammisaqarnissani KNR-ip neriorsuutigaa

Inatsisartunut qinersisoqarnissaanut KNR-ip qanoq aallakaatitsisarnissani saqqummiuppaa

- Aallakaatitassiat aallakaatitseriaatsillu nutaat ilisarisimaneqareersullu atorlugit qinersinerup annertuumik malittarineqassaaq.

KNR tusagassiutinut nalunaaruteqarpoq. 

- Qinersisartut paasinartumik tunngaveqartumik qinersiartorsinnaanissaat anguniarlugu, qineqqusaarnerup pitsaasumik, isornartorsiuisinnaassuseqartumik naapertuilluartumillu malittarinissaanut KNR, innuttaasunik kiffartuussivittut, immikkut ittumik akisussaaffeqarpoq. Akisussaaffillu taanna aallakaatitassiamik annertuumik pilersitsinitsigut naammassinasoraarput, innuttaasullu oqallitsitsinermik aallakaatitassioriaatsit nutaat pisoqqallu akuleriissillugit aallakaatitassiassagut qilanaarisinnaalereerpaat, KNR-ip pisortaanera, Søren Lennert Mortensen, 
tusagassiutinut nalunaarummi oqarpoq. 

Qineqqusaarneq sisamanngorpat aallartinneqassaaq, KNR-immi immikkut qaqilerilluni aallakaatiassiaata nutaap, Qulaarpaa, aallakaatitseqqaarnermini ullut ilungersunartorsiorfiusut tallimat, Naalakkersuisut siulittaasuata tunuarneranik qinersinerullu suaarutigineqarneranik kinguneqartut samminiarpai. 

Innuttaasunik ataatsimiisitsineq
Qinersisartunik ataatsimiititsinerit ilisarisimalluakkagut tallimaasut siullersaat KNR-ip oktobarip 24-ani aallakaatissavaa, taannalu Ilulissani pissaaq. Taava oktobarip 28-ani Sisimiuni ataatsimiititsisoqassaaq Qaqortumilu novembarip pingajuani pataatsimiititsisoqassalluni. 

Nutaatullu qinersinermi matumani Narsaq tikinneqartussaavoq. KNR Narsami qinersisartunik annertunngikkaluartumik novembarip tallimaani ataatsimiititsiniarpoq. 

Nuummi qinersisartunik 2 ataatsimiititsinissaq novembarip 23-ani pissaaq. Qinersisartunik ataatsimiititsinerni sammisat aalajangersimasut qaqinneqartassapput, qinesisartunillu apersuisoqartarluni aammalu Facebookkikkut ataatsimiiitsinermilu peqataasunit apeqquteqartoqartassalluni. 

KNR ukiormanna nutaarluinnartut aalajangerpoq partiit ataasiakkaarlutik ilisarititsissuteqartarnerat kingornalu oqallittoqartarnera atorunnaarlugu sammisat aalajangersimasut aallaavigalugit partiinit tamanit peqataaffigineqartumik oqallitsitsinerit tallimat ingerlanneqassasut.

Oqallititsinerit
KNR ukiormanna nutaarluinnartut aalajangerpoq partiit ataasiakkaarlutik ilisarititsissuteqartarnerat kingornalu oqallittoqartarnera atorunnaarlugu sammisat aalajangersimasut aallaavigalugit partiinit tamanit peqataaffigineqartumik oqallitsitsinerit tallimat ingerlanneqassasut. Ima paasillugu, unnuit oqalliffiusut tallimat tamarmik sammisamik aalajangersimasumik sammisaqarfiussapput. Oqallitsitsinerit KNR-ip qinersinermi aallakaatitsivianit ulluni novembarip 12-iani, 13-iani, 14-iani, 17-iani 18-ianilu toqqaannartumik aallakaatinneqassapput. 

Qineqqusaarnermi nutaatut aamma akioriissitsisassaagut. Partiit marluk siulittaasui akioriissillugit oqallitsittassavagut. Akioriissitsilluni oqallitsitsinerit taakku ulluni novembarip 20-ani, 21-ani 24-anilu pissapput. 

Tamakku saniatigut naliliinermik aallakaatitassiat piffissap ingerlanerani aamma aallakaatittassavagutqineqqusaarneq qanoq ingerlanersoq immikkut ilisimasalinnit nalilersuiffigitittassallutigu. Kina maluginiarnarnerua, kinalu maluginiarnannginnerua. Aallakaatitassiat taama ittut marluk aallakaatissavagut, tassalu novembarip 19-iani 26-anilu. 

Qineqqusaarnermi aamma immikkut ittumik oqallitsitsisoqassaaq, tassanilu Facebookkikkut apeqqutigineqartut kisiisa apeqqutigineqassapput soorunalumi aamma partiit siulittaasui apeqqarissaarfigineqassallutik. 

Facebookkikkut apeqqutit aallaavigalugit oqallitsitsineq novembarip 25-ani pissaaq partiillu siuttui novembarip 27-iani apeqqarissaarfigineqassallutik. 

- Tamakku tamaasa isigalugit qineqqusaarnerup sammineqarnera annertussaaq, tamatumalu innuttaasunut ilisaritinnissaa tulluusimaarutigalugu qilanaarivarput, nutaarsiassanut pisortaq taama oqarpoq, KNR-imi nutaarsiassanut pisortaq Mikkel Bjarnø Lund oqarpoq. 

Inatsisartunut qinersisoqassaaq novembarip 28-ani.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER