Skip to main content

Qinersinissami utoqqaanerpaaq nukarlersarlu

Inuk Fleischer (S) 24-nik ukioqartoq aammalu Andreas Sanimuínaq (S) 74-inik ukiulik tamarmik Kommunimut qinersinissamut sassartuupput. Ukiumisulli isumaat anguniagaallu assigiinngillat

Inuk Fleischer 24-nik ukioqartoq qinersinissamilu nukarlerpaajusoq Qaasuitsup Kommunia avannarleq sinnerlugu Siumut tunuliaqutsiullugu sassartuuvoq. Ukiut sisamat qaangiummata Uummannamut nuunnermi kingorna maluginiarpaa Uummannami ineriartorneq unittooqasoq.

– Ineriartorneq sanaartornerlu sulissutiginiarpakka. Ineriartorneq illoqarnikkut, anartarfeqarnikkut aqqusineqarnikkullu, taanna oqarpoq.

Andreas Sanimuínaq qinersinissami utoqqaanersaasoq Siumut tunuliaqutaralugu Kommuneqarfik Sermersooq sinnerlugu sassaartuuvoq. Taanna aasamut 75-inik ukioqalertussaasoq soraarneruvoq Ittoqqortoormiini najugalik. Andreas Sanimuínap anguniagaa tassaavoq Ittoqqortoormiini piniakkanik killilersuineq unitsinneqassasoq.

– Ittoqqortoormiini piniagassanik ulikkaarpoq, kisianni nunatta kitaani inatsit atugaasut Ittoqqortoormiini aamma atuutsinneqarput naak atugarisat assigiingikkaluaqisut, Andreas Sanimuínaq ukiorpassuarni ajoqitut sulisuunikuusoq oqarpoq.

Qineqqusaartut marluk Sermitsiaq aviisimi kingullermi saqqummertumi paasisaqarfiginerusinnaavatit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER