Skip to main content

Qinersinerni peqataasussaq mikisoq piareerpoq

Ilagiit qanganisaavallaartut naammagittaalliuutigeqinagit. Iliuuseqarniarit. Ilagiit sinniisaannut qinersinissamut qinigassanngortigit, biskoppinngorlaaq, Paneeraq Siegstad Munk, kaammattuivoq.

Inatsisartunut qinersinerujussuaq, kommuninut qinersineq angisooq, nunaqarfiit aqutsisuinut qinersineq minnerumaaq, taavalu minnerpaatut ilagiit sinniisaannut qinersineq. 

- Oqartoqarsinnaavoq uagutsinnut qujanartumik Inatsisartut qinersisoqarnissaanik kingusissumik aalajangiisimasut, taamaalillutalu januaarimiilli ilagiit sinniisaannut qinersinissamut piareersarnissamut piffissaqarsimalluta, biskoppi Paneeraq Siegstad Munk aviisimut AG-mut oqarpoq.

Biskoppeqarfik ukioq manna sakkussaminik tamanik atuissaaq, taamaattumillu provstinik tamanik Nuummut aggersaasimalluni, qinersinissamut ikiuussinnaaniassammata, ukiunimi kingulliunerusuni ilagiit sinniisaannut ilaasortat ikiliartortuaannarsimapput. Paneerarlu illoqarfinni nunaqarfinnilu ataasiakkaani ilagiinnut sinniiseqarnerata qanoq pingaaruteqartigineranik erseqqissaassuteqarusuppoq. Ilagiit sinniisaat, palasi ajoqilu peqatigalugit, ilagiinnut najukkami siulersortaapput ilagiittullu inuunermut akisussaasuullutik.

Pikkunaallunilu qanganisaavallaartoq

- Inuusuttut oqartarput, ilagiit pikkunaappallaarlutillu qanganisaavallaartut, tamannali qanoq iliuuseqarfigisinnaavaat ilagiit sinniisaannut qinersinissamut sassarnermikkut, Paneeraq Siegstad Munk oqarpoq.

Taassuma Arsuk assersuutitut eqqaavaa. Tassani ilagiinnut sinniisoqanngilaq, taamaattumillu ajoqip kisimiilluni suliassaq tamaat isumagisaralugu. Tamanna qulaaniit aqutsinermik kinguneqarsinnaavoq. 

- Ajoqi palasiluunniit suliassaqarpallaarpata naggaterpiaatigut uanga biskoppitut inaarutaasumik aalajangiisinnaavunga, soorlu oqaluffik akunnaalliliimmat. Tamatuma qanoq nalliussineqarnissaa uanga aalajangerpara, AG-mut oqarpoq.

Allanullu sanilliullugu innuttaasut illoqarfimmi najugaqartut innuttaasunut ulloqartitsinermik suliaqarpata pitsaaneruvoq, Paneeraq Siegstad Munk paasissutissiivoq.

- Ilagiit tamat oqartussaaqataanerannut ilaapput, tassanilu ilagiit upperisarlu sunniuteqarfigineqarsinnaallutik.

Allaaserineqartoq aviisimi AG-mi atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER