Kommunimut qinersineq 2017
Qinersineq inuusuttunit soqutigineqannginnissaa isumakulunnartoqartoq
Kalaallit Nunaanni Kommuneqarfiit Kattuffiata (KANUKOKA), inuusuttut kommunalbestyrelsemut qinersiartunngitsoornissaat isumakulunnartoqartippaa.
Danmarkimi 2009-mi kommunalbestyrelsinut qinersinermi inuusuttut 19-init 29-nut ukiullit affangajaannaat taasiartorsimapput.
Siulittaasoq isumakuluttoq
Paasisat aallavigalugit inuusuttut amerlasuut Nunatsinni qinersiartunngitsoornissaat Kanukokap sulittaasuata isumakuluutigaa.
- Danmarkimi nunatut siuarsimasutut isigisartakkatsinni inuusuttorpassuit taasiartortarsimanngippata takorlooruminaappoq kalaallit inuusuttut amerlanerullutik taasiartortassasut, Simon Simonsen oqarpoq.
Taamaammat qineqqusaarnerup naajartulernerani pingaartumik inuusuttut qamannga pisumik kaammattorusuppai aprilip sisamaani qinersiartukaaqqullugit, KANUKOKA-p siulittaasua, tusagassiuutinut nalunaarummini allappoq.
Qinersisinnaatitaanersi atorluarsiuk
Inuusuttut-aa, nunarput siuarsaqataaffigerusukkussiuk taasisinnaatitaanersi atorluarniarsiuk, imminuinnaq eqqarsaatiginasi aammali kinguaassasi eqqarsaatigalugit, Simon Simonsen kaammattuuilluni oqarpoq.