Qinersineq 2021: IA-p aaku qinigassanngortitai
Inuit Ataqatigiit 43-nik qinigassaatitaqarluni Inatsisartunut qinersinissamut 6. april sassartitaqarpoq. Inatsisartuni kingullermik ilaasortaasimasut tamarmik qinigassanngorteqqipput.
Inuit Ataqatigiit Inatsisartunut 43-nik qinigassanngortitaqarpoq. 2018-miit qinigassanngortittut 19-nik ikinnerupput, 2018-imi Inatsisartunut qinersinermut qinigassanngortittut 62-iummata.
- Qinigassanngortitagut tulluusimaarutigaakka. Kommunimut qinersineq eqqorlugu Inatsisartunut qinersisussaanerput pissutigalugu qinigassat amerlassusissaat taama isikkoqassasoq naatsorsuutigereersimavarput. Kommuninulli sassartitagut 80-iupput. Qinigassanngortillutik sassartut tulluusimaarutigaakka nuannaarutigalugillu, IA-mi siulittaasoq Múte Bourup Egede Sermitsiaq.AG-mut oqarpoq.
Kørestolertoq siulleq qinigassanngortippoq
Qinigassanngortittunut ilaavoq Marita Jessen isumaginninnermi siunnersortitut ilinniakkaminik naammassinneqqammersoq. Taanna 2013-imi ajutooreernerup kingorna innarluuteqalersimavoq kørestolertunngorsimallunilu.
Marita Jessen Sermitsiaq.AG-mit apersorneqarnikuuvoq inuiaqatigiinni tikikkuminassuseq akuutitsinerunerlu ilaatigut ujartorsimallugit.
Inatsisartuni ilaasortaasut sassaqqipput
Inuit Ataqatigiinni qinigassanngortittut allattorsimaffianni Inatsisartuni kingullermik ilaasortaasimasut tamarmik ilaapput. Aammali kiinnat allat ilisarnartut, soorlu Johan Lund Olsen aamma Naaja H. Nathanielsen Inatsisartunut sassaqqipput.
Qinigassanngortittuni allattorsimaffimmi ilisarnartut ilagaat Eqaluk Høegh. Taanna naalakkersuisumut allattaasimavoq inuiaqatigiinnilu oqallissaarisarluni. Taannali Sermitsiaq.AG-mut nassuiaavoq kukkusoqarsimasoq, namminerlu Inatsisartunut qinigassanngortinnani.
IA-p qinigassanngortitai aajuku:
- Múte Bourup Egede
- Aqqaluaq B. Egede
- Peter Olsen
- Mimi Karlsen
- Stine Egede
- Mikivsuk Thomassen
- Sofia Geisler
- Mariane Paviasen
- Agathe Fontain
- Eqaluk Høegh
- Asii Chemnitz Narup
- Kalistat Lund
- Naaja H. Nathanielsen
- Hans Aronsen
- Kristian Jeremiassen
- Edvard Nielsen Aronsen
- Ole Larsen
- Harald Bianco
- Knud Mathiassen
- Charlotte Pike
- Pipaluk Lynge Rasmussen
- Mariia Simonsen
- Eva Jessen
- Sofus Hansen
- Adam Kristensen
- Gerth Møller
- Jonna Broberg
- Aqqalukkuluk Fontain
- Esaias Berthilsen
- Tobias Bianco
- Narsingatak Nuko
- Hector Lennert Sørensen
- Villy Olsvig
- Lars Salik H. Kielsen
- Anders Tittusen
- Isak Hammond
- Marianne S. Larsen
- Johan Lund Olsen
- Juliane Enoksen
- Bendt B. Kristiansen
- Marita Jessen
- Elias Andreassen
- Henrik Brummerstedt
Qinigassanngortittut Qinersinermut Ataatsimiititaliap akuerai. Partiit allat qinigassanngortitai uani takusinnaavatit.