Siumup ataatsimeersuarnera pissanganartorsiorfiulerpoq siulittaasumut qinersinermi qinigassanngortitut pingasuusut arlaannaalluunniit taasinerit 50 procentiinik, qinersinerup immikkoortuani siullermi taasinermi ajugaassagaanni piumasaqaatigineqartunik, angusaqanngimmat.

Erik Jensen 35-nit taaneqartoq, Kim Kielsen 29-nit taaneqarpoq, Vivian Motzfeldtilu arfineq-marlunnit taaneqarluni.

Taasinerit Erik Jensenip pissarsiai taasinerit 49,3 procenteraat.

Taamaalillutik aallartitat 71, immikkoortortaqarfinnit, Siumup Inuusuttaanit, Inatsisartunut Naalakkersuisunut Folketingimullu ilaasortanit pisuusut, taaseqqissaapput.

Aallartitanit 71-init ilaasortat qulingiluat sila pissutigalugu Nuummut apuussimanngillat. Taakkua qulingiluat oqarasuaatikkut peqataapput taamaalillutillu qinerseqqinnermi aamma taaseqqissinnaallutik.