Skip to main content

Qineqqusaarneq: Aleqap qineqqusaarnerani sinniisoqartoqassanngilaq

Aleqa Hammondip Inatsisartuni sulinngiffeqarneranut atatillugu Nunatta Qitornai Inatsisartuni sinniisoqarnissamut Inatsisartut Siulittaasoqarfianit akuerineqanngilaq. Nunatta Qitornai isumaqarput Inatsisartut Siulittaasoqarfiat immikkoortitsisoq

Aleqa Hammondip Folketingimut qineqqusaarnerani Inatsisartuni sulinngiffeqassaaq maajip 31-ata tungaanut.

Piffissami pineqartumi Anders Benjaminsen Nunatta Qitornai sinnerlugit sinniisussatut ataatsimeeqataanissaa partiimiit kissaatigineqarpoq, kisianni taamatut kissaateqarneq Inatsisartut Siulittaasoqarfiata itigartippaa piffissarooq sivikippallaarmat, partiip siulittaasua Vittus Qujaukitsoq tusagassiutinut nalunaaruteqarpoq.

Sinniisumik pisariaqartitsineq
Nunatta Qitornai isumaqarput Inatsisartut Siulittaasoqarfiat immikkoortitsisoq, aamma partii sinnerlugu Vittus Qujaukitsoq Inatsisartut Siulittaasoqarfiannut naammagittaalliuteqarpoq. Naammagittaalliut suli qisuariarfigineqanngilaq akissuteqarfigineqarnanilu, Vittus Qujaukitsoq ilisimatitsivoq.

- Partiitut mikisutut Inatsisartut ataatsimiinnerisa nalaanni sinniisoqarnissarput pisariaqartipparput, aamma partiit allat assigalugit pineqarnissarput kissaatigaarput. Uggornarpoq Inatsisartut Siulittaasoqarfiat Nunatta Qitornaanut immikkoortitsimmat. Partiit allat assigalugit pineqarusuppugut. Minnerunngitsumik annerunngitsumillu, Vittus Qujaukitsoq oqarpoq.

Aalajangiineq demokratiimik ersertitsinngitsoq
- Aleqa Hammondip Folketingimut qineqqusaarnermini Inatsisartut oqaluttarfiat aqqutigalugu pissanngitsoq pingaartippaa, taamaattumik sulinngiffeqarnissamut kissaateqarneq qineqqusaarnerup torersumik ingerlanissaanik ersersitsineruvoq. Kisianni partiit allat assigalugit oqariartuutigisatsinnik saqqummiisinnaannginnerput demokratiimik ersersitsinerunngilaq, aammalu kikkut tamat oqartussaaqataanerannik sumiginnaanertut nalilerneqartariaqarluni, partii ilisimatitsivoq.

Partii Naleqqamit Pele Broberg Folketingimut qineqqusaarnermini Inatsisartuni aamma sulinngiffeqarpoq, tassanilu Emanuel Nûko sinniisutut Inatsisartuni atuuffeqassalluni.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER