Skip to main content

Qineqqusaarneq allartippoq

Inatsisartunut qinersisoqassaaq novembarip 28-ani. Inatsisartut immikkut ittumik pingasunngornerup unnukkuani ataatsimiitinneqarneranni tamanna aalajangerneqarpoq

Naalakkersuisut siulittaasorigallagaata Kim Kielsenip Inatsisartunut qinersisoqarnissaa novembarip 28-ani ingerlanneqassasoq suaarutigaa pingasunngornermi. 

Inatsisartut immikkut ataatsimiisinneqarneranni pingasuungornermi tamanna nalunaarutigineqarpoq. 

Marlunngornermi qinersisoqartarnera periuserineqaraluarpoq, novembarip 28-anili taliimanngornermi qinersisoqassaaq.

- Qinersisoqannginnissaa anguniarlugu periarfissanik ujartuigaluarpugut. Qinersititsisoqarnissaali periarfissaalerpoq kingulleq, Kim Kielsen oqarpoq. 

Inatsisartut qinersinissaannik suaaruteqartorarnera Demokraatinit nuannaarutigineqarpoq. 

- Immikkut ittumik qinersisoqarneranut atatillugu ataqqeqatigiittoqarnissaa kissaatiginarpoq, Demokraatit siulittaasuat Anda Uldum oqarpoq. 

Partii Inuit qinersisoqarnissaanut piareeqqasut.

- Partiit aaqqiagiinnginnerujussuat sammineqarpallaarujussuarpoq. Inatsisartuni suleqatigiinnerput nukittorsarneqarniarli inuiaqatigiinnullu siunissamut pitsaanerusumut suleqatigiilluta, Randi Broberg oqarpoq. 

Partii Naleraq Naalakkersuisooqatigiinnut annertuumik isornartorsiuisoq aamma qinersinissamut piareerpoq. 

- Kikkut tamat oqartussaaqataanerat innarlerneqartoq malunnarpoq. Inatsisaatsuliortoqarpoq tamannalu kinguneqartinneqassaaq, Partii Naleqqap siulittaasua Hans Enoksen oqarpoq. 

Aningaasanut inatsisaagallartoq isumaqatigiissutigineqarpoq. 

Partiit tamarmiullutik tamanna akuersissutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER