Qimuttut toqungasut, pizza qerisoq imigassallu
- Atugartuussutsip uummataanut nuukkama, Rasmus Theisen oqarpoq. Illoqarfissuit qimakkusussimavai avannaanilu illoqarfimmi paaviaasunngorluni.
Ulluni aqqanilinni anorersuarpoq. Helikopteri tingisinnaanngilaq, aviisi AG allapoq.
- Misigisimasimavunga Kalaallit Nunaata iperarumanngikkaanga. Silaarutingajassimavunga. Nunap tiguniarsimavaanga, Rasmus Theisen eqqaamannippoq.
Imaanngilaq Rasmus Theisenip Kalaallit Nunaat qatsussimagamiuk. Naamivik. Silarlunnersuarli qatsutivissimavaa. Københavnimi Forfatterskolimi tiguneqaqqammersimavoq, Danmarkimullu utertussaalluni.
Rasmus Theisen Aarhus Katedralskolemit studentinngoreerluni 21-nik ukioqarluni Kalaallit Nunaannut pivoq. Kalaallit Nunaat sumilluunniit ilisimasaqarfiginagu.
- Atuarfimmi Kalaallit Nunaat pillugu sumilluunniit ilinniagaqanngilagut. Tikissimavunga isummiutiinnagarpassuaqarlunga ilisimasaqarnangalu. Tupinnaqaaq qallunaat atuartut naalagaaffeqatigiit 98 procentiannik ilisimasaqanngimmata. Ilungersornerulertariaqarpugut. Danmarkimi kalaallit atuakkiortui kalaallillu tusagassiorfii atuartassavagut. Kalaallit Nunaanniinnerput asanninnerusumik ammanerusumillu oqaluuserisassavarput, Rasmus Theisen isumaqarpoq.
Kalaallit Nunaat inuunerata ilagilersimavaa pingaarutilik atuakkiortutullu saqqummersitsivigeqqaarsimallugu.
Rasmus Theisenip atuakkiaa pillugu uani AG-mi pisiarisinnaasanni atuarit: