Skip to main content

Qimussimik unammersuartoqangajalersoq

Ukiormanna Aasianni Avannaata Qimussersuartoqarnissaanut qimussit pitsaanerpaat piareerput

Ukiut tamaasa avannaani pisartup pissanganartup Avannaata Qimussersuata arfininngorpat aallartinnissaanut suna tamarmi piareerpoq.

Qimussit marluk kingulliit ullaap tungaani Aasiannut tikipput, ataatsimullu isigalugu pissutsit pitsaarpasipput.

- Sinerissami qimussit pitsaanerpaat arfininngorpat unammissapput, Ujuut Olsen KNQK-meersoq oqarpoq.

Siorna aamma pissartanngortoq Edvard Samuelsen ukiormanna peqataaqqissaaq. Ilaatigut aamma Ville Siegstad misilittagartooq, siornalu ajugaasut aappaattut inissittoq William Jensen aamma Anthon Street Uummannameersut peqataassapput. Rita Inûsugtok' aamma pitsaanerit qulit akornanniittarpoq.

Katillugu qimussit 38-t ukioq manna sukkaniunnermi peqataassapput, pisarneq malillugu 40 kilometerit sinnerlugu takissusilimmut ingerlasoqartarpoq.

Ilulissat eqqaanilu qimmit nappaalanerat pissutigalugu siorna qimussit arlallit peqataasinnaasimanngillat.

Aaqqissuussaq aqagu aallartissaaq, tassani meeqqat unammissapput.

Taakku 7 kilometerisut takissusilimmi unammissapput.

Peqataasut 26-t kujataanit Sisimiunit avannamut Uummannaq tikillugu unamminermut tassunga Aasiannut peqataajartorput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER