Skip to main content

Qimussersuaqarnissaanut aaqqissuussisut nakkutilliisoqartitsilerput

Avannaata Qimussersuinik ukioq manna aaqqissuisut qimminik ulloq unnuarlu nakkutilliisoqarnissaanik aaqqiipput.

Unammilinnginnermi qimmerinngisanik nerukkaarujussuarnerit, qimmillu toqunartutortitaasimagunarnerup kinguneranik toqorartut. Mamianartuliat taama ittut Avannaata Qimussersuaqartoqarneranni misillerfigineqartarput.

Ukioq manna taama pisoqannginnissaa pillugu aaqqissuisut Ilulissaneersut, Qimussersaq 71 qimminik qimuttunik nakkutilliisoqarnissamik aaqqissuipput.

- Qimmit perulluliorfigineqannginnissaat pillugu ulloq unnuarlu nakkutilliisoqarnissaanik aaqqissuussaqarpugut. Nakkutilliisut 12 tiimikkaarlugit paarlaattassapput, angutillu marluk tassani akisussaasutut inissinneqarlutik. Soorunami peqatigiiffitsinniit aamma uagut ikiuutissaagut nakkutilleeqataalluta, Qimussersaq 71-mi allatsi unammersuartoqarnissaanilu ataqatigiissaarisoq Lisa Marie Rasmussen oqarpoq.

Nakkutilliinerit pingaaruteqarput

Avannaata Qimussersuanik illersuisoq, Doris J. Jensen Inughuit Qimussersuanik illersuisoq, Mikissuk Thomassen piumasaqarput ataqatigiissaarluakkamik ulloq unnuarlu nakkutilliisoqartoqassasoq, qimmit qimuttut innarlerneqannginnissaat pillugu.

Illersuisut taakku qimminik paaqqutarinnilluarnissamik kaammattuuteqarput, Avannaata Qimussersuaqartoqartarnera takornariaqarnermut aamma iluaqutaasarmat.

- Kultoori taanna aallutilersimasarput nunatsinni qimmit piujuaannarnissaannut amerliartornissaannullu iluaqutaavoq qimminillu paaqqinnilluarnermut aaqqutissiueqataasarluni, illersuisuusut allapput.

- Nakkutilliisoqarnissaa pingaartilluinnarparput. Qimmilivissat inissinneqareerput, nakkutilliisullu unammersuartoqarnerani nakkutilliisussat malinnaalluarsinnaanerat aamma qulakkerneqassaaq, Lisa Marie Rasmussen oqarpoq.

Meeqqanut Avannaata Qimussersuaaraa 23. marts ingerlanneqassaaq, inersimasullu 27. marts unammersuassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER