Qimmiutillit qimmilerisullu akornanni aaqqiagiinngittoqartartoq
Inatsisinik ilisimasakinneq qimmiutillit qimmilerisullu akornanni aaqqiagiikkunnaarutaasarpoq. Qimmilerisoq qimmiutilimmit ilaatigut saassutsissimanini oqaluttuaraa.
Ilulissani qimmilerisutut ataqatigiissaarisoq Ilannguaq Hansen, qimmilerisutit sulinermi misigisartakkani imaannaanngitsut Avannaata Kommuniata nittartagaani oqaluttuarai.
- Assersuutigalugu qimmiaraq qimmimit inersimasumit kimmarneqarluni toqunneqarmat qimmeq toqutsisimasoq toquttariaqarsimavarput. Piginnittoq tamatuma nalaani aallaqqavoq, tikikkamilu aqqusinermi naapillunga kamalluni saassutaraanga, oqaluttuarpoq.
Inatsimmi immikkoortumut innersuullugu qimmiutilik nassuiaappaaa qimmit kiisortut inunnik saassussisut imaluunniit uumasunik allanik kimmaallutik toqutsisut ingerlaannaq toqunneqartussaatitaasut.
Aaqqiagiinngissutaasartut
- Sooq taamatut iliortariaqarsimanerput paasigamiuk assut tupaallappoq, Ilannguq Hansen Ilulissani qimmilerisutut ataqatigiissaarisoq oqarpoq.
Pingaartumik inatsisini eqqartorneqartut pingasut aaqqiagiinnginnermik kinguneqarsinnaasarput, tassalu kapoorisussaatitaaneq, qimminik qaammatinik arfinilinnik utoqqaassuseqalereersimasunik pitussimatitsisussaatitaaneq ungalusamiititsisussaatitaanerlu aammalu kiisortunik qimmeqaqqusaannginneq.
Kaamaattuut
- Ilulissani qimmiutillit inatsisini peqqussutit inerteqqutillu eqqummaariffigaat, kommunilli avannaatungaaniinnerusut inatsimmi pisussaaffitik ilisimasaqarfiginnginneruaat. Allaat Uummannap kangerluani aammalu Qeqertarsuup tunuata ilaani qimmiutillit ataasiakkaat qimmitik nalunaaqutsersoqqunnginnermik atsiortitsiortorlutik Naalakkersuisuusimasumut apuussinikuupput, Ilannguaq Hansen oqarpoq.
Taamaammat Ilulissani qimmilerisutut ataqatigiissaarisoq Ilannguaq Hansen qimmiutillit qimmilerinermut inatsisinik ilisimasaqarnerulernissaannut kajumissaarivoq.