Avannaata Qimussersua
Qimmit qimuttut tamarmik sukkaniutinnginnermi kapineqarsimassapput
Qimminut inatsit nutaaq naapertorlungu qimmit tamarmik kapineqarsimasariaqarput, taamaattumik Avannaata Qimussersuanut peqataassangaanni qimmerisat kapitinnissaat qulakkeertariaqarpoq.
Qimmit qimuttut tamarmik Aannaata Qimussersuanut peqataasussat, sukkaniutinnginnermi kapineqarsimassapput.
Avannaata Kommunia tusagassiuutinut nalunaaruteqarpoq. Avannaata Qimussersua ukioq manna Ilulissani ingerlanneqassaq, martsillu 20-ani sukkaniuttoqassaaq.
- Avannaata Qimussersuanut peqataassangaanni qimmerisat kapitinnissaat qulakkeertariaqarpoq. Qimmit minnerpaamik marloriarlutik akiuussutissamik sukkaniutinnginnermi kapitissimasariaqarput.
Avannaata Kommunia kapuuinissamut suleqataajumavoq,
- Kapuuineq siulleq sumiiffinni assingiinngittuni Avannaata Kommuniani pissooq 29. januarimiit februar aappaata tungaanut. Qimmiutitit kapitinniarukkit sumiiffinni kommune allaffianut saaffinginningit. Siulleqqaammut kapisinermi qimmit nappaataannut parvo virus-imullu akiuiniarluni kapuuisoqassooq, Avannaata Kommunia nalunaaruteqarpoq.
Qimmiutillit tamarmik saaffinginnissapput qimmiutitik akiuussutissamik kapitinniarlungit, uani sukkaniuunniartut kisiamik pineqanngillat, kommuni nalunaaruteqarpoq.