ilisimatusarneq
Qimmit qimuttut pinngornerat nalunartulik ilisimatusarfigineqalerpoq
Ilisimatusartut maannakkut qimmit qimuttut alutornartut paasiuminaatsortaat qulaajarnialerpaat.
Qimmit qimuttut tarneqarnerat takusinnaajumallugu isaatigut toqqarlugu sivisuumik isigisariaqangilaq. Qimuttoqarfinnilu najugaqartut kikkulluunniit nalunngilaat, qimuttut immikkuullarilluinnartuusut, aamma namminerisarluinnarmik pissuseqartut.
Aviisi AG taama allaaserisaqarpoq.
Qimmeq mattusooq
Kisianni qimuttut tunngaviatigut suminngaanneerpat, aamma qanoq ilillutik taama maattutigisunngorsimappat? Qanoq ilillutik issersuarmut ukiullu anorersuinut akiuussinnaappat, qanorlu ilillutik usinik taama oqimaatsigisunik uniarsinnaappat imalu nuannaritigalugu, tamatumunnga pilersitaasimanerat qularineqarsinnaanani?
Ilisimatusarnikkut suliniut, Qimmeq, aqqutigalugu tamakkua akissutissarsiniarneqassapput qimuttut kingornuttakkamikkut sananeqaataat tamakkiisut misissornerisigut. Suliaq tamanna aqqutigalugu qimuttut amaqqunik qanoq annertutigisumik attuumassuteqarnersoq qulaajarneqarsinnaassasoq; ilaqutariinnerat tusarfiit allaganngorlugit oqaluttuarineqartut oqaasiinnakkullu ingerlateqqinneqartartut ukiunik hundredelikkuutaani oqaluttuarineqartuartarsimavoq.
Pileqqaarsimanera
- Kalaallit Nunaanni qimuttut pileqqaarsimanerannik ilisimatusarnikkut misissuivugut. Qimminik allanik amaqqunillu piffissap ingerlanerani akusaasimanersut, kiisalu ullumikkut qimuttut Issittumi qimminut oqaluttuarisaanermeersunut itsarsuarmeersunullu qanoq assingutiginersut. Qimuttut qanoq ilillutik pissuserisamissut inissisimalersimapput aamma qanoq ilillutik taamaattunngorsimappat, Statens Naturhistoriske Museumimi ph.d.-nngorniartoq, Mikkel Sinding, nassuiaavoq.
Qimmit qimuttut assingi kusanartut takukkit, aviisimilu AG-mi ilisimatusarluni suliniut pissanganartoq atuaruk, taanna uani digitaliusumik atuarsinnaavat: