Qimminik qimuttunik isertortumik misileraanerit

Inatsisissamut nutaamut tusarniaanermut atortut naapertorlugit »takuneqartarput kattuffiit ilisimatusartullu nunamit allameersut Nunatsinnukarlutik kalaallit qimmiinik qimuttunik nakkutigisaanngitsumik assigiinngitsunik misileraajartortut«.

Qimmeq qimuttoq asseqanngilluinnartuuvoq. Ukiut 2.000-ir ingerlaneranni qimminik allanik akusaasimanngilaq. Taamaammat ilisimatuunit misissoqqissaassallugu soqutiginaatilerujussuuvoq.

AG allappoq.

Apeqqutaavorli ilisimatusartut killissanik qaangiinissamut ussernartorsiortarnersut?

Tamanna oqartussani ernummatigineqarsimagunarpoq, taakkunanngami qimmit qimuttut illersorneqarnissaat inatsisissatut siunnersuummi nutaami sukataarutigineqarpoq.

- Piffissami qaangiuttumi takuneqartarput kattuffiit ilisimatusartullu nunamit allameersut Nunatsinnukarlutik kalaallit qimmiinik qimuttunik nakkutigisaanngitsumik assigiinngitsunik misileraallutillu passunneqartarlutik Nunatsinni oqartussat nalusaannik taakkulu nakkutiginngisaannik, siunnersuummut oqaaseqaatini allassimasoqarpoq.

- Oqartussaaffimmi tassani malittarisassat ima sukaterivigineqassapput, taamaalilluni uumasunik passussisarneq nakkutigisaasumik akuerisaasunillu atugassaqartitaasunik Kalaallit Nunaanni uumasunut nakorsaqarfimmit akuersissummik peqqaarfiusartumit pisarnissaa qulakkeerneqassalluni. Qimminik qimuttoqarfinni ineriartornerup Nunatsinnit nakkutigineqarnissaata saniatigut sukaterinikkut ugguuna kalaallit qimmiata qimuttup akuerisaanngitsumik, pisariaqanngitsumik ileqqorissaanngitsunillu uumasunik misilerarneqarnissaannut illersorneqarnissaa aqqutissiuunneqassaaq, oqaaseqaatini ilassutigineqarpoq.

Allaaserineqartoq tamakkiisumik aviisimi AG-mi atuaruk. Aviisi uani pisiarineqarsinnaavoq:

Powered by Labrador CMS