Skip to main content

Qimmeq pillugu paasisat saqqummiunneqarput

Qimmeq pillugu ingerlassami nutaamik paasisaqartoqarpoq, tassalu Inuit Sibiriamiit Alaskakkoorlutik Kalaallit Nunaannut ingerlaarnerminni namminneq qimmiminnik nassataqarsimasut.

Qimmit qimuttut Thule-kulturip inui peqatigalugit Sibiriamiit Kalaallit Nunaannukarnerat pillugit paasisat tuluit atuagassiaanni tutsuiginartumi ”Proceedings of the Royal Society B” ullumikkut saqqummiunneqarpoq.

Ilisimatusarfik tusagassiutinut nalunaarummi allappoq.

- Qimmit siulii pillugit paasiniaaneq aatsaat taamak annertutigisoq pisimavoq, ilisimatuullu suleqatigiit, Tuluit Nunaanni Exeter Universitetetimiit dr. Carly Ameen kiisalu Qimmeq pillugu ingerlassamiit ph.d-iinngorniaq Tatiana Feuerborn kiisalu Københavnip Universitetiani GLOBE Instituti ukiut pingasut sinnerlugit Sibiarimiit, Amerikka Avannarlermiit Kalaallillu Nunaanniit assaanikkut nassaanik misissuinermikkut paasiniaasimapput, nalunaarutigineqarpoq.

Immikkuullarittumik tunngaveqartut

Amerikkami Avannarlermi inoqarnera tamaat qimmeqartoqarsimavoq, siornatigulli inuit Thule-meersutut taagorneqartut qimmiisa Inuit qimmiinit (Kalaallit Nunaanni; Saqqaq aamma Dorset-kulturit qimmii) allaanerunersut ilisimasimanngilarput.

- Misissukkatta takutippaat qimmit Inuit Thule-kulturimeersut nassarsimasaat Amerikkap Avannarliup Issittortaata qimmiinit allaanerusimasut, taamatullu inuiaqatigiinni ingerlalluartuni Inuit nikerarsinnaanerannut piniarsinnaanerannullu immikkorluinnaq apeqqutaasimasut, Tatiana Feuerborn oqarpoq.

Saqqummiineq

Tatiana Feuerborn Greenland Week of Science-imut atatillugu Nuummiissaaq, sisamanngornermilu 5. december nal. 15.00-16.00 Qimmeq pillugu ingerlassaq suliaminik Katuami saqqummiussippat paasisaminik oqaluttuussissaaq. 

Aammattaaq sisamanngorpat 28. november nal. 19.30-21.00 Anders Johannes Hansen Qimmeq pillugu ingerlassameersoq Ilisimatusarfimmi oqalugiassaaq qulequtalimmik ”Kalaallit qimmiat suua?”

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER