Skip to main content

Qimarguik maligassiuisunngortoq: Anaanat anaanaassapput

Qeqertarsuarmi qimarnguivik aamma katsorsaavik Illernit angusarissaarfiusumik katsorsaariaatsimik ineriartortitsisimammat, taanna nuna tamakkerlugu atorneqalissaaq.

Illernit arnanut qimarngusunut meeraannullu katsorsaanermut maligassiuisunngussaaq. Isumaginninnermut Naalakkersuisoq Martha Abelsen, pingasunngornermi tusagassiortunik katersortitsinermini taama ilisimatitsivoq.

Qeqertarsuarmi katsorsaaviup angusai pitsaasut taassuma erseqqissarpai.

- Anaanaasut anaananissaannik ikiorneqarput. Illernit namminneq katsorsaariaatsimik ineriartortitsisimanerat pitsaasorujussuuvoq. Tamanna pitsaaliuinermik kinguneqartoq paasinarsivoq, Martha Abelsen tusagassiortunik katersortitsinermi oqarpoq.

Arnat meeqqatik nassarlugit qimarnguivimmut iserniariartut anaanaasunut meeqqanullu ataasiakkaanut pilersaarusiortoqartarpoq. Suleqatigiit tarnip pissusaanik ilisimasallit, isumaginninnikkut siunnersorti, ilinniartitsisoq aamma peqqissutsimut ikiortit arnanut meeraannullu sinaakkutinik pilersitsisarput. Tamatuma saniatigut paaqqinnittarfinnik suleqateqartoqarpoq, taamaalilluni meeqqat pisariaqartitaat tamanit ilisimaneqarlutik.

Nuna tamakkerlugu siammarneqassasoq

Illerninit katsorsaariaatsit simmarterneqarnissaat isumaginninnermut aqutsisoqarfiup naliliinerani innersuussutigineqarpoq. Martha Abelsen tusagassiortunik katersortitsinermi oqarpoq:

- Kommunini tamani katsorsaavinnik pilersitsisinnaanngilagut, kisianni taakkunani periarfissaasut aallartisarlugit kommunit ikiorumaarpagut. 

Tarnip pissusaanik ilisimasalinnik piginnaasalinnik sulisussaqarniarnermut atatillugu ajornartorsiortoqarsimasoq, naliliinermi atuarneqarsinnaavoq.

- Piginnaasa pisariaqartinniartut pilerisaarneqarnissaat ajornakusoorsimavoq, kisianni Illernini sulisut katsorsaanerannut tamanna aporfiusimanngilaq, Martha Abelsen oqarpoq.

Kommunit akisussaaffiat

Piginnaasat pisariaqartinneqartut pilerinarsaaffigineqarnissaat kommuninut ataasiakkaanut suliassaasoq aamma kommunit ataasiakkaat qanoq aaqqissuusinissaat apeqqutaasoq, taanna isumaqarpoq.

Illernit 2014-imi pilersinneqarpoq, taannalu nuna tamakkerlugu arnanut meeraannullu nakuuserfigineqartartunut qimarnguiviit katsorsaaviillu Nunatasinni siullersaraat. Qeqertarsuarmi qimarnguimi ilaqutariit sisamanit tallimanut katsorsarneqarsinnaapput. 2014-imi aggusti 2017-imut arnat qulit aamma meeqqat 23-t Illerniniissimapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER