Skip to main content

Qilalukkat qernertat pisassat amerlinissat biologit nangartarpaat

Qilalukkanik qernertanik pisassat amerlinissaat politikerit piumasaraat - biologilli isumaqarput piujuaannartitsiniarluni atuineq tamatuma innarlersinnaagaa

Naalakkersuisut maanna misissorpaat Upernaviup eqqaani qernertanik qilalugartassat 30-nik ilaneqarsinnaanersut. Tamanna pivoq Inatsisartuni ilaasortat arlallit kimigiisernerisigut. Pisassalli amerlinissaat biologit inassutiginngilaat.

Upernaviup eqqaani qilalukkat qernertat pisassat tamakkerneqareerput. Qaleralinniarnerli suli aallarteqqinngilaq peqqumaasiviit ulikkaaqqammata aammalu puisit amiinik tunisineq uninngalluni. Taamaammat Inatsisartuni ilaasortat arlallit piumasaraat Qimusseriarsuarmi qernertanik qilalugartassat amerlineqassasut. Tamanna tunngavigalugu Naalakkersuisut misissorpaat qernertanik qilalugartassat 30-nik ilaneqarsinnaanersut.

Peqassuseq appariarsinnaavoq
Pinngortitaleriffik Naalakkersuisut tusarniaassutaannut maanna akissuteqarpoq qernertanik qilalugartassat 30-nik ilaneqarnissaat biologit ilalinngikkaat.

- Sumiiffimmi ilisimasat tunngavigalugit - ukiut tulliuttut tallimat ingerlanerini amerliartorsinnaanissaminnut periarfissaat 50 procentiussanngilarluunniit. Taamaaliortoqassappat Qimusseriarsuarmeersunik qilalukkanik qernertarniartarneq piujuaannartitsiniarnermik anguniagaqarluni piniartitsinertut taaneqarsinnaajunnaassaaq, Pinngortitaleriffik Naalakkersuisut tusarniaassutaannut akissummi allappoq.

Nalorninartoqaqisut
Qilalukkat qaqortat qernertallu pisassat Nunatta Canadallu eqqaanniittut aalajangersorneqartartut imarmiut miluumasut pillugut ataatsimiititaliarsuup Nammcop aamma Canadap Nunattalu ataatsimoorlutik ataatsimiititaliaata inassuteqarnerisigut taakkulu ukiut pingasukkaarlugit naapittarput.

Qimusseriarsuarmi qilalukkat qernertat amerlassusaat pillugit biologit ilisimasaat nalorninartulerujuussuupput. Biologimmi isumaqarput tamaani qilalukkat qernertat 1.400-ut 25.900-ullu akornanniittut.

Qilalukkat amerlassusaasa nalornissutaaneranut pissutaavoq 2007-mi kisitsinermi qilalukkanik qernertanik naammattuuisoqanngingajassimammat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER