Skip to main content

Qilalukkat qaqortat amerliartoqqilerput

Kalaallit Nunaanni qilalukkat qaqortat ukiorpassuit ingerlaneranni aatsaat amerliartoqqilerput. Pinngortitaleriffiup naatsorsuusiornerata tamanna takutippaa.

Kalaallit Nunaata kitaata imartaani qilalukkat qaqortat ikiliartuinnarsimanerat maanna mumippasippoq.

Pinngortitaleriffimmi biologit naatsorsuusiornerisami takutippaat, Kalaallit Nunaata kitaata imartaani qilalukkat qaqortat amerliartortut.

Atuaruk: Mattaat nutaggariit pilerngunneqartut

Tamatumunnga tunngaviusut assigiinngitsut marluupput.

Siullermik qilalukkat qaqortanut pisassiisarneq atuutsinneqalernikuuneranik tamanna pissuteqarpoq. Pisassiissutit ukiuni makkunani tamakkerneqarneq ajornerat, qilalukkat amerliartornissaannut periarfissiilluarpoq.

Aappaattut piniartut qilalukkat qaqortanut qanillisinnaanerat ajornarnerulernikuuvoq.

Atuaruk: Tunup imartaani qilalugaq qaqortaq naammattoorneqartoq

Silap pissusiata allanngoriartornera
Qilalukkat qaqortammi kitaata imartaani kippasinnerulernikuupput, ammalu silap pissusiata allanngornerata kingunerisaanik kitaani sikup sinaa ukiumi avasinnerusalermat qilalukkat qaqortat sinerissamiit ungaseqalutik samanersuaq ingerlaartalersut piniartunit pisariniasassallugit ajornarsiusavissimanerat.

Amerleriarnissamut 70 procentimik periarfissaqartut
Biologit naatsorsuusiortarneri tunngavigalugit ukiuni makkunani pisassiissutaasartut amerlassusiat aallaavigissagaanni qilalukkat qaqortaqassutsip 2020-p tungaanut qaffakkiartuaaginnavinnissaanut periarfissaq 70 procentiuvoq.

Atuaruk: WWF-ip isornartorsiuineranut piniartut akissuteqarput

Qilalukkat qaqortat amerlassusiannik naatsorsuusiornerit kingulliit tunngavigalugit allaaserisaq ilisimatuussutsikkut atuagassiakkut nuimasukkut ”Animal Conservation”-ikkut novembari 2006-imi saqqummersinneqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER