Skip to main content

Qilalugartassiissutit amerlineqaratarsinnaasut 

Avannaani piniartut akornanni qilalukkanik qernertanik pisassiissutit annertuumik akerlerineqarput, januaarillu naanerani Upernavimmi akerliussutsimik takutitsisoqarpoq. Aasaruli Siumup ileqquusumik ataatsimeersuarnerani qilalukkanik pisassiisoqaqqinnissaanut tapersersuisut Karl-Kristian Kruse aamma Erik Jensen partiimi siulittaasunngorniuunnermi ajugaassappata, ukiup matuma ingerlanerani pisassiissutit ilaneqarsinnaapput, taama Karl-Kristian Kruse naliliivoq 

Qilalukkanik pisassiissuutit qaffanneqarnissaannut piniartut politikerillu uteriillutik piumasaqaraangata, Naalakkersuisut piumasarineqartunut nakkaannarlutik pisasseeqqittarnerat siusinnerusukkut takusareerparput. Ukiullu matuma ingerlanerani taamatut pisoqaqqeratarsinnaavoq. Qilalukkanillu pisassiissutit agguaanneqartarnerannut atatillugu, Siumumi ilaasortat nuimasut ilaasa, aalisartut piniartullu tusaaneqarnerunissaat ersarissumik maanna piumasaraat.

Siumut siulittaasuata tullia, marloriarlunilu aalisarnermut piniarnermut nunalerinermullu Naalakkersuisuusimasoq, piniartoq aalisartorlu Karl-Kristian Kruse aasaru Siumut ileqquusumik ataatsimeersuarnerani siulittaasussatut sassarniarnerluni suli nalunaaruteqanngilaq. 

Piniartut tusaaneqarnerunissaat

Kisiannili Erik Jensenip siulittaasutut qineqqusaarnissani nalunaarutigereerpaa, qilalukkanillu qernertanik pisassiisoqassatillugu, biologit piniartunut naleqqiullugit annertuallaartumik Naalakkersuisuniit tusaaniarneqartarnerarlugit taassuma siusinnerusukkut isornartorsioreerpaa. 

Kalaallillu Nunaanni partiit annersaani Erik Jensen aamma Karl-Kristian Kruse aasarumiit aqutsisooqataalissappata, partiip siulersuisuunerisa aalisarnermut piniarnermut nunalerinermullu Naalakkersuisup Jens Immanuelsenip Siumumeersup, qilalukkanik qernertanik pisasseeqqinnissaa piumasarisinnaagaat, Karl-Kristian Kruse oqarpoq. 

Aammalu aqutsiveqarfik Upernavimmi qilalukkanik qernertanik pisassiissutit amerlassusaat agguataarneqarsimanerallu piffissami aggersumi Naalakkersuisut aaqqiissuteqarnissaat taassuma kissaatigaa.       

Allaaserineqartoq tamakkiisumik aviisimi Sermitsiami atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER