Skip to main content

Qilaatersortartoq Jens Aqqalu Fisker toqukkut qimaguttoq

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Doris J. Jensen, Aqqalu Fisker 12. november toqukkut qimaguttoq eqqaaniarpaa

Qilaatersortartoq Jens Aqqalu Fisker akornatsinniikkunnaarpoq.

Taanna sapaammi 12. november toqukkut qimaguppoq.

Tassunga atatillugu Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Doris J. Jensen, Siumut, eqqaaniaalluni allappoq:

'Jens Aqqalu Fisker ukiorpassuarni anersaakkut piorsarsimassutsikkullu piginnaasaminik annertuumik inuiaqatitsinni nukittorsaaqataallunilu takutitsiuartarsimavoq, nunanilu tamalaani qaanniornermik qilaatersornermillu piginnaasaminik takutitsiuartarsimalluni. 

Jens Aqqalu Fisker Iluliarmiuuvoq, qaanniornermik imminut ilinniartissimasoq, qajavissuarmillu Manasse Mathæussenimit qajartornermik ilinniartinneqarsimasoq. 

Qallunaat nunaanni 1997-imi inuusuttut sisamat peqatigalugit peqatigiiffik “Qajaq” pilersitseqataaffigaa. Siunertaavoq, qaannap atorluarneqaqqilernissaa, sanaartorneqarneratalu sulissutigineqarnissaa. 

Jens Aqqalu Fisker arlaatigut takutitsisoqaleraagat tunuarsimasuusanngilaq. Peqatigiiffik aqqutigalugu pisuni assigiinngitsuni takutitseqataajuartarsimavoq. Soorlu nalunngikkipput ilisimalluarlugulu Tivolip tasiani qajartornermik takutitsisartoq isiginnaartuminik nuannarineqaqaluni alutorineqaqalunilu. 

Ukiorpassuarni erinarsoqatigiinni Aavaat-mi peqataasarsimavoq, tassanilu qilaatersortartutut ilisimaneqarluarsimalerluni.

Kingullertigut Jens Aqqalu Fiskerip Qaqortumi erinarsoqatigiinni qiimmassaa-taalluartumik ilaasarnera, qilaatersortarnermigullu takutitsilluartarnera maqaasineqas-saqaaq. Tamatsinnullu annaasaq annertuvoq.

Jens Aqqalu Fiskerip eqqaaneqarnera ataqqinartuuli', Doris J. Jensen Naalakkersuisut sinnerlugit allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER