Qiiaamminartuliaq kitaani takuteqattaarneqalerpoq

Kitaata sineriaani illoqarfinni arlalinni inuit maanna kalaallit qiiaammernartuliaat nuannarineqarluartoq 'Unnuap Taarnerpaaffiani' takusinnaanngorpaat.

Filmimik suliarinnittut takutitsillutik angalaarnertik kujataanik avannamut nanginnialerpaat.

- Nuannaarutigalugu nalunaarutigissavara avannaani takutitsinissarput kiisami inissippoq, filmimik ilitsersuisoq manuskriptiliorlu Malik Kleist oqarpoq.

Taanna oqaluttuarpoq annertunngitsumik sinerissami illoqarfinni marluinnarni angalanissartik pilersaarusioraluarlugu.

Kisiannili pisoqariasarpoq.

- Nunafondenimiik akissutisivugut tapiissuteqarfigineqarluta. Taamaalilluta Nunafondenip tapiineratigut illoqarfiit amerlanerit tikissinnaanngorpagut, filmiliarpullu takutillugu, Malik Kleist oqaluttuarpoq.

Sapaatip akunnera tulliani aallartissaaq
- Neriuppugut qiiammernartuliarput isiginnaariassagaat, naak illoqarfiit ilaanni takutitsinermut pilerisaarnissamut piffissakikkaluartoq.

Sapaatip akunnera tulliani filmi qiiaammernartoq Upernavimmi aamma Uummannami takutinneqassaaq. Filmimi ilitsersuisoq manuskriptiliortorlu Malik Kleist, pingaarnertullu inuttaasoq Qillannguaq Berthelsen peqatigalugu angalassapput.

Illoqarfinni sorlerni qiiaammernartuliaq takutinneqassanersoq uani ataani takusinnaavat:

• Upernavik
• Uummannaq
• Qeqertarsuaq
• Sisimiut
• Aasiaat
• Qasigiannguit
• Ilulissat
• Maniitsoq
• Nuuk

Maanna Isandimi septemberimi oktoberimiluunniit takutitsisinnaanerlutik Tumit Productionimi filmimik ilitsersuisoq misissuillutik oqaluttuarpoq.

Aamma atuakkit:

Assit takukkit: Filmip ´Unnuap Taanerpaaffiani´ takuteqqaarneqarnera

Filmi uulikullannartuliaq Kujataani angallanneqassaaq