Skip to main content

Qeqqata: Vittup saqqummiussaa naammaginngilarput

Naligiisaarinermnilli aaqqissuussinermit pingaarneruvoq namminersorlutik oqartussat sanaartornermut ineriartortitsinermillu suliniutinut allanut aningaasaliissutaasa naligiinnerusumik agguaanneqartarnissaat, Hermann Berthelsen isumaqarpoq

Aningaasanut nunamilu namminermi pissutsinut Naalakkersuisup Vittus Qujaukitsup kommunini naligiissaarinissamik siunnersuutaa nutaaq Qeqqata Kommuniata kissaataanik naammassinnippasinngilaq, borgmester Hermann Berthelsen tusagassiorfinnut nalunaarutikkut oqarpoq, oqaatigaalu Vittus Qujaukitsup siunnersuutaa nutaaq kommunalbestyrelsip juulip 30-anni oqaluuserissagaat. Vittus Qujaukitsup qinnutigisimavaa kommuni kingusinnerpaamik aggustip aallaqqaataani akissuteqassasoq. Aggustip 11-anni aaqqissuussineq nutaaq inissinneqareersimassaaq, 2015-imut Aningaasanut Inatsisissatut siunnersuutip suliarineqarnissaa pissutigalugu.
Qeqqata Kommuniani Demokraatit akerlileereerput.
Borgmester Hermann Berthelsenip innersuussutigaa BBO-p nalunaarusiaa "Ataatsimut tapiissutit nutaamik naligiissartarnissaannut sinaakkutassaannullu isumaliutersuutit", kommunalbestyrelsip juunip tallimaanni oqaluuserisimagaa. Taamanikkut Qeqqata Kommuniani Kommunalbesturelsip inassuteqaatissat makkua aalajangiuppai:
A. naligiissaariaaseq nutaaq ataatsimullu tapiissutinut sinaakkutassat nutaat tunngaveqartariaqarput namminersorlutik oqartussat ingerlatsiviinit aningaasarsianik naligiissaarinikkut, aammalu innuttaasut ukioqqortussutsinikkut agguataarnerisa isumaginninnikkullu/aaqqissuussinikkullu aningaasartuutit agguataarnerat 50/50 missaanut uuttuullugu, nalunaarummi tabel 36-mut naapertuuttumik
B. periuaseq nutaaq 2015-imit atuutilertariaqartoq, aamma
C. periuseq inaarsarneqassasoq tulliuttunullu arfinilinnut ineriartortillugu
1. Suliffeqarfiit 50-it sinnerlugit sulisoqartuinnarniunngitsuni suliffeqarfinnilt Namminersorlutik Oqartussat pilersitaanni tamani inuit akileraarutaat ilaatinneqartariaqarpoq.
2. Naalagaaffiup suliffiutaani inuit akileraarutaat aamma naligiissaatariaqarput
3. Innuttaasumut ataatsimut kommunimut akileraarutip qaffanneqarneranut sunniutai, kommuninut tamanut assigiikannertariaqarput
4. Inuiaqatigiit agguataarnerisa aallaaviginerat ukioqassuseq malillugu immikkoortunut aggornilersorneqassapput, taamaalillutik kommunip aningaasartuutaannut annertunerusumik naapertuutilissallutik
5. Isumaginninnermit/sananeqarneranut aallaaviusut taamatuttaaq inerisarneqassapput, taamaalillutik kinaassusersiunngitsumik paasissutissanik toqqammaveqassallutik
6. Isumaginninnermit/sananeqarneranut aallaaviusut maannakkut aallaaviusunit sisamaasunit aallaavinnik amerlanerusunik toqqammaveqartariaqarput, taamaalilluni iluseritinniagaq aallaavinnik ataasiakkaanik allannguinermi malussarissuussanngilaq.
Tassa inassuteqaatit tamakkua Hermann Berthelsenip isumaqarfigisai Vittus Qujaukitsup siunnersuummini nutaami naammassisimanngisai.
Borgmester Hermann Berthelsenip tusagassiorfinnut nalunaarutikkut erseqqissarpaa inuiaqatigiinni naligiinnerulernissamut apeqqutaaginnanngitsoq naligiissaarinermik aaqqissuussineq.
– 
Namminersorlutik Oqartussat nalinginnaasumik politikkikkut naligiimmik agguaassisarnissaa, pingaartumik Namminersorlutik Oqartussat sanaartornermut aningaasaliissutinik allatigullu ineriartortitsinermik suliniutinik agguaassisarnerata naligiinnissaa pingaaruteqarneruvoq. Nunamut tamarmut iluaqutaasussanik naligiinnerusumik Namminersorlutik Oqartussat suliffeqartitsiniarnermi aningaasaliissutinik upernaaq agguaanissamik pingaartitsinerusimavoq.
– 
Ukiorpassuani illoqarfiit pingaarnersaannut pingaarnersiusarnerit sammitinneqarpallaanerisa kingorna, nunamut tamarmut ineriartortitsinissamut pisariaqartunik suliniuteqartoqarnissaq pingaarutilerujussuuvoq, taanna oqarpoq nangillunilu:
– 
 2015-imut Aningaasaqarnermut inatsimmi kiisalu Namminersorlutik Oqartussat ukiamut Inatsisartut ataatsimiinnerani pingaarnersiulernerminni malitseqartinneqarumaartoq neriuutigaara, Hermann Berthelsen erseqqissaavoq.
 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER