Skip to main content

Qeqqata: Meeqqat amerlavallaartut pujortartarput

Qeqqata Kommuniani meeqqat akornanni pujortartarneq misissuiffigineqarpoq, misissuinerullu takutippaa 15-iniit 24-inik ukiullit akornanni 62 procentit ulluinnarni pujortartartut. Paasitsitsiniaanerit kommunimiit aallartinneqarput.

- Kinguaariit tulliinut ingerlateqqissavarput? Allagartami taama allaqqavoq, inersimasoq meerarlu tamarmik cigaritsimik paarisaqartut takuneqarsinnaalluni. 

Atuartut akornanni pujortartut 7.-8. klasse-miit 9.-10. klasse-mut ikaarsaaraangata pujortartartut 5%-imiit 30%-imut amerleriartartut misissuinerup takutippaa. 

LÆS OGSÅ: Kommune vil bekæmpe druk blandt unge

- Isumaqarpunga inuusuttuarartatta taamatut ukioqalernerminni pujortartalertarnerat taamaattussaannartut isigalugu akuerineqartutut ittarnera uggornartuusoq. Isertuutissanngilaralu inuusuttuaqqat pujortartalersimasut takugaangakkit tamatigut aliatsattarama. Tassami nunarsuarmi asanerpaasatta erliginerpaasattalu timaasa tupamik aserorterneqartarnerat isumaqarpunga alianartuusoq, Qeqqata Kommuniani borgmesteri, Malik Berthelsen oqarpoq. 

Tupa takussaajunnaartariaqarpoq

Meeqqat tamarmik kommunimi najugaqartut tupamik isigisaat annikillisinniarneqarpoq. Inersimasut meeqqat isigitillugit pujortassaartariaqarput. Inersimasut meeqqanut maligassiuisuusut borgmesteri isumaqarpoq. 

- Neriuutigeqaara uagutsinnuinnaq pinnata meerartattali peqqissuunissaat pingaartillutigu, kommunimi tupamik atuinnginnerpaalernissarput tamatta isumaqatigiissutigalutigu anguniassagipput. Takorluulaariarsiullu tamatuma anguneratigut nuannersumik nunatsinni tusaamaneqaatigilersinnaagutsigu qanormitaavami tulluusimaarnartigissagaluarnersoq. Tamatumalu anguniarnissaanut tamassi inussiarnersumik peqatiseraassi, Malik Berthelsen (S) oqarpoq. 

Paasitsitsiniaanerit naammanngitsut

Paasitsitsiniaanissamut allagartarsuit illoqarfinni nunaqarfinnilu tupa takussaavallaarunnaarnissaa anguniarlugu maanna nivinngaasorneqarsimapput. Kommunilu kisiat paasitsitsiniaaginnarnianngilaq. Kommunimi pujortartarneq maajip aallaqqaataani 2022-mi unitsinneqassaaq. 

- Kommunip suliffeqarfiutaani sulinerup nalaanni pujortartoqaqqusaajunnaarumaarpoq. Meeqqerivinni, atuarfinni, utoqqaat angerlarsimaffiini, inulerisuni, aqqusinilerisuni allaffeqarfissuarnilu sulisut uani eqqartorneqarput. Allagartarsuillu innuttaasunut meeqqat isigitillugit pujortartarneranut eqqarsalersitsissapput, Malik Berthelsen Sermitsiaq.AG-imut oqarpoq. 

Kommunimi atuartut misissuiffigineqarnissaanut Qeqqata Kommunia HBSC suleqatigalugu 2020-mi misissuitsitsivoq. Misissuinerup sioqqullugu meeqqat atuartut 2018-mi aamma misissuiffigineqarput, tassanilu erserpoq atuartut quliugaangata ataaseq hashimik pujortarnikuusut. 

LÆS OGSÅ: Qeqqata Kommunia: Meeqqat qulerarterutaasa sinnerlugit hashimik pujortarnikuupput
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER