Qeqqata: Eqqaavissuup ikuallannera aqunneqarsinnaalersoq
Sisimiuni eqqaavissuup ikuallannera aqunneqarsinnaalersoq, Qeqqata Kommunia Facebookimi allappoq.
Sisimiuni eqqaavissuaq arfininngornermi sakkortuumik ikuallalerpoq.
Piffissap ingerlarnerani Qeqqata Kommunianit Sisimiuni innuttaasut kaammattorneqarput ikuallattup pujua illoqarfimmut sunniutilissagaluarpat igalaatik matoqqullugit.
Kommunili arfininngornermi kingusissukkut Facebookimi allappoq, ikuallanneq aqunneqarsinnaalersoq, unnuallu sinnera eqqaavissuup nillusarneqarneranut atorneqassasoq naatsorsuutigineqartoq.