Qeqqata Kommunia: Uniscop immikkoortortaqarfianut aqquserngiorneq
Kangerlussuarmit Aasivissuit-Nipisat tungaannut asfaltersugaanngitsumik aqquserngiortoqarnissaa Qeqqata Kommunianit akuerineqaqqammerpoq
Aqquserngiornissaq 27 million koruuninik Qeqqata Kommunianit aningaasaliiffigineqassaaq, aqqususinerlu 22 kilometerit missaannik isorartussuseqassalluni.
Asfaltersugaanngitsumik aqquserngiornissaq aappaagu aallartinneqassaaq.
- Suliaq naammasseriarpat pinngortitaq takornarianit takuneqarsinnaalissaaq. Takornarianit soqutigineqarluassasoq naatsorsuutigilluinnarparput. Assersuutigalugu Ilulissat eqqaanni Sermermiut Unescomut ilanngutsinneqarmata soqutigineqarnerat qaffariaallassimavoq, taamatullu aamma uagut anguniagaqarpugut, borgmesteri Malik Berthelsen (S) Sermitsiaq.AG-mut oqarpoq.
Aqqusineq Kangerlussuup Sisimiullu akornanni aqqusinniortoqassappat, una aqqusineq Kangerlussuarmit aallartiffigissavaa.
Kangerlussuarmit Aasivissuit-Nipisat tungaannut aqqut 2020-mi naammassineqarsinnaa naatsorsuutaavoq.