Qeqqata Kommunia: Meeqqat qulerarterutaasa sinnerlugit hashimik pujortarnikuupput

Qeqqata Kommuniani meeqqat atuartut akornanni 2018-imi misissuinerup takutippaa, Qeqqata Kommuniani 9. aamma 10. klassini 29 procentii pujortartartuusut, 14 procentit putumallutik imersimasut aammlau 11 procentit ikiaroornartumik misiliisimasut.

Tamanna anguniarlugu kommuni maanna suliniuteqalerpoq, Islandimi misilittagarineqartut ilaatigut atorneqassallutik.

Nunap sanilerisap misilittagai

- Den Islandske Model-imik suliaqarnerup ilaatut 18 ataallugit ukiulinnut tamanut timersornermi sammisanut akeqanngitsumik peqataasarnissaq 2020-mi januaarimi Kommunalbestyrelsip atuutilersippaa. Meeqqat inuusuttullu akeqanngitsumik timersorsínnaanerat kissaataanngitsumik pissuseqarnissaq pinaveersaartissavaa aammaluu sunngiffimmi akuulluni inooqataanermik toqqaanissamut pitsaasunik sinaakkutinik pilersitsissaaq. Islandip takutinnikuuvaa, meeqqat inuusuttullu aalasartut pitsaaasumik peqqinnartumik imminnut attassuteqaqatigiinnissamut periarfissagissaarnerusartut.

Timersoqatigiiffiit ingerlalluartunik nutaaliaasunillu atugassaqartitsinissaat pingaaruteqarpoq, taamaattumillu Qeqqata Kommunia 2020-mi timersoqatigiifiit timersornermi atortunik pisinnissaannut immikkut tapiissuteqarnikuuvoq.

Misissuisoqaqqissaaq

Misissuineq tulleq 2020-mi aggustimi/septembarimi atuartut 5.-10. klassit akornani ingerlanneqassaaq.

- Misissuineq tulleq 2020-mi aggustimi/septembarimi atuartut 5.-10. klassit akornani ingerlanneqassaaq. Peqataasuni soorlu ilaatigut atuarfinni, peqatigiiffinni, sunngiffimmi neqeroorutini aamma angajoqqaani inernerit tunngavigalugit suliniutinik aallartitsisoqassaaq. Meeqqat atuartut misissuiffigineqarnerat malitsigisaanillu suliniutinik atuutilersitsinissaq pillugu HBSC Grønland, Kalaallit Nunaanni Center for Folkesundhed aamma Paarisa Qeqqata Kommuniata suleqatigivai. Innuttaasut angajoqqaallu sulinermi ingerlaavartumik paasitinneqartarlutillu akuutinneqartassapput.