Qeqqata Kommunia: Attaveqaatinik pilersitsinissaq pillugu oqaloqatigiinnerit
Tele-Post aamma Qeqqata Kommunia nalunaarasuartaatitigut attavinnut atatillugu periarfissat, siunissamilu takornariaqarnermut ataqatigiinnermullu aaqqissuussinerit nutaat atuutilernissaannut periarfissat oqaloqatigiissutigaat.
Qeqqata Kommuniani borgmesterip Malik Berthelsenip Tele-Postimi pisortaaneq Kristian Reinert Davidsen peqatigiillutik nalunaarasuartaatitigut attavinnut atatillugu periarfissat, siunissamilu takornariaqarnermut ataqatigiinnermullu aaqqissuussinerit nutaat atuutilernissaannut periarfissat oqaloqatigiissutigaat.
Tele-Post allappoq.
- Neriuutigaara siunissami Kangerlussuup Sisimiullu akornanni angallattakkanut napparutinik ikkussuisoqarnissaa. Taamaaliortoqarneratigut angalasut nunarsuup sinneranut atassuteqarsinnaalissammata, isumannaallisaanerlu sumiiffimmi tassani qaffasinnerulissammat, borgmesteri Malik Berthelsen oqarpoq.
Amerlasuutigut Nuummiit Kangerlussuarmut mittoqartarpoq ingerlaannarlu Københavnimut ingerlaqqittoqartarluni. Taamaammat Kangerlussuarmi misigisassat annikitsuinnaat angumerineqartarput.
- Kangerlussuarmi pinngortitaq assut kusanarlunilu misigisassanik, uumasunik annertuumillu ilippanartunik ulikkaarpoq. Mittarfik, Qeqqatalu Kommuneani pilersaarutigineqartut - soorlu ATVnut aqqusinissaq Kangerlussuarmiillu Sisimiunut aqqusinniornerit eqqarsaatigalugit, periarfissat pillugit, qanorlu nalunaarasuartaatinut attaviit takornariaqarnerlu aningaasaliiffigisinnaanerlugit oqaloqatigiissinnaagatta nuannaarutigaara, Kristian Reinert Davidsen oqarpoq.