Qeqqata Kommunia timersornermi siuttuulersoq

Qeqqata Kommuni Kalaallillu Nunaanni Timersoqatigiit Kattuffiat ukiuni sisamani atuuttussamik isumaqatigiissuteqarsimapput, tassani Qeqqata Kommunia innuttaasut timiminnik aalatitsinerulernissaannut tapersiilluni.

Qeqqata Kommunia anguniakkamik angusaqarusuppoq, innuttaasullu timiminnik aalatitsinerusalernissaat anguniarlugu. Taamaammat kommuni Kalaallillu Nunaannit Timersoqatigiit Kattuffiat ukiuni sisamani atuuttussamik isumaqatigiissusiorsimapput.

Qeqqata Kommuniata suleqatigiissuteqarfigissavaa meeqqat inuusuttullu timiminnik atuinerulernissaat aammalu peqataatitsisumik ingerlatsisoqarnissaq eqqumaffigineqartussaavoq; peqatigiiffeqarnerup iluani, atuarfimmi illoqarfeqatigiillu avatangiisaanni malunniuteqartussamik, GIF tusagassiorfinnut nalunaaruteqarluni allappoq.

- Iliuuseriniakkagut iluamik iluatsissappata sumiiffimmut katinngateqarnissarput kiisalu peqatigiiffinni, illoqarfinni nunaqarfinnilu pisunut malinnaanissagut pingaaruteqarluinnartut nalunngilluinnarpagut, GIF-imi siulittaasoq Nuka Kleemann oqarpoq, nangillunilu:

- Taamaattumik peqatigiilluta atorfinittitsinitsigut Nuummi allaffeqarfitsinni, kattuffinni aammalu Qeqqata Kommuniani pisariaqartitaasut kissaatigineqartullu ataqatigiissillualersinnaassallutigit neriuutigaarput.

Lang vej endnu

Qeqqata Kommunianit sulissutigineqarpoq, innuttaasut amerlanerit timiminnik atuinerulersinneqarnissaat peqatigiiffilerinermullu akuunerutinneqarnissaat. Ilaatigut meeqqat akeqanngitsumik timersortartnut ilanngussinnaapput, sulisullu kommunimi sulinermi nalaanni namminneq piumassusertik malillugu peqatigiiffilerisinnaallutik. Kalaallilli Nunaat 2030-mi nunarsuarmi timimik aalatitsiviunerpaanngussappat aqqutissaq suli takeqaaq, kommunimit oqaatigineqarpoq.

- Timersoqatigiit Kattuffiata Qeqqata Kommunia kommunetut anguniagalittut takorluugaqartutullu nalilermatigu soorunalimi tanngassimaarutigaarput, taamatullu naatsorsuutigineqarnitta piviusunngortinneqarnissaa tamakkiisumik anguniarumaarparput. Innuttaasugut kommunerpullu sinnerlugu angusaqarusoqaagut, isumaqarpungalu peqatigiilluta timersornerup tungaatigut kommunemilu peqatigiiffinnut pitsaalluinnartumik iliuuseqarsinnaasugut, Qeqqata Kommuniani borgmesteri Malik Berthelsen oqarpoq.

Suleqatigiinnissamik isumaqatigiissut 2022-miit 2025-mut atuutissaaq.

- Upperilluinnarparpullu timersornikkut – ingammik peqatigiiffiit peqatigalugit – sumiiffinni pissutsinik kivitsisinnaassalluta, taavalu nuannaarnermik, piumassuseqarnermik peqatigiinnermillu imalimmik nikisitsisinnaalluta upperaarput. Isumaqatigiissuteqarnitsigut peqatigiiffiit kommunellu suliaat pitsaalluinnartut aamma piorsaaffigeqqissinnaassavagut, Nuka Kleemann oqarpoq.

Powered by Labrador CMS