Skip to main content

Qeqqata Kommunia nutaamik pisortartaartoq

Sisimiuni Ilinniartitaanermut Immikkoortortami pisortaq Annga Lynge Qeqqata Kommuniani Ilinniartitaanermut Ingerlatsivimmi pisortatut atorfinitsinneqarsimavoq

Marlunngormat Kommuneqarfik Sermersooq meeqqanut atuarfeqarnermullu ingerlatsivimmi nutaamik pisortassamik atorfinitsitsivoq. Ullumikkut kommunip sanilerisaata Qeqqata Kommuniata nalunaarutigaa, ilinniartitaanermut ingerlatsivimmi pisortassamik atorfinitsitsisimallutik.

Kommunip tusagassiorfinnut nalunaarutaani allassimavoq, Annga Lynge “ilinniartitaanerup, sunngiffimmi sammisassaqartitsinerup iluanni arlalinnik takorluugaqartoq aamma sulisunik nukittorsaaniartoq. Ilinniartitaanermut immikkoortortami pisortatut takorluugarpassuisa suliassarpassuarnillu naammassinnittarnerata Qeqqata Kommunia neriuutissaqartilerpaa”.

Annga Lynge oqarpoq:

- Ilinniartitaanermut susassaqarfik meeqqat ineriartornerannut, ilikkariartortarnerannut aamma meeqqerivinni, atuarfinni sunngiffinniluunniit ornittakkani najuttaraluarpataluunniit ileqqorissaarluni alliartornerannut sunniuteqarluartarpoq. Kissaatigaara naatsorsuutigalugulu sulisut tamarmik pineqartut pitsaasumik atugassaqartinniarlugit suleqatigiissasut.

Martsip aallaqqaataani aallartissasoq

Kommunimi pisortaaneq Juliani Henningsen oqarpoq: 

- Annga Lynge Qeqqata Kommuniani ilinniartitaanermik ukiorpassuarni siuarsaaqataasimavoq. Ilinniartitaanermut pisortatut ilippanaatai piginnaasaalu siunissami atorluassavavut. Tassa neriuutigaarput, Qeqqata Kommuniani ilinniartitaanerup, piginnaasanik qaffassaasarnerup sunngiffimmilu sammisassaqartitsiarnerup iluini pissutsinik siunissami siuarsaaqataassasoq.” 

Annga Lynge atorfittaamini martsip aallaqqaataani aallartissaaq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER