Skip to main content

Qeqqata Kommunia coronamut tunngatillugu upalungaarsimasussanik pilersitsiniartoq

Kommuni sulisussanik immikkut pisariaqartitsilernissamut piareersarpoq.

Utoqqarnik ikiuineq, aputaajaaneq pisiniussinerluunniit suliassat ilagivaat, nammineq piumassutsimik ikiuukkusulluni nalunaaraanni Qeqqata Kommunianit suliakkiissutigineqarsinnaasut.

Coronami pissutigalugu sulisussanik amigaateqaleriasaarsinnaanermut kommuni piareersimaniarluni nammineq piumassutsimik sulisinnaasunik ujaasilluni aallartissimavoq.

- Qeqqata Kommuniani sulisut suliassaminnut naammassinnissinnaanerminnut sulisinnaasunik amigaateqalissagunik piumassutsiminnik sulisussanik pisariaqartitsilissapput, tamannalu piareersimaffiginiarlugu inuit piumassusiminnik ikiuukkusuttut nalunaarsornissai Qeqqata Kommuniata pisariaqartippaa, kommuni tusagassiorfinnut nalunaaruteqarnermi allappoq.

Taamaammat nammineq piumassutsimik ikiuukkusukkaanni kommunip nittartagaaniittoq quppersagaq maannakkorpiaq immersorneqarsinnaavoq.

Kommunimit ilisimatitsissutigineqarpoq, aaqqissuinernut Arctic Circle Racep ikiuuttartui ataqatigiissaakkamik suleqatigineqartut.

Kommunimit erseqqissaassutigineqarpoq, virusimik tunillatsinnissamut immikkut mianernartuugaanni nalunaartariaqanngitsoq.Tassani pineqarput inuit ataavartumik nappaatillit inuilluunniit nappaammut akiuussutissaqanngitsut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER