Skip to main content

Qeqertarsuup Tunuani qalerillit ikileqqittut

Qeqertarsuup Tunuani qalerallit pisaasartut Royal Greenlandillu aalisakkeriviinut tulaanneqartartut siornamut naleqqiullugit ikileriangaatsiarput – qaleralinniarnerullu apparianeranut suna pissutaanersoq assiginngitsunik isumaqarfigineqarpoq

2017-imi Qeqertarsuup Tunuani qaleralinniarneq ajalusoorfiuvoq, ukiulli tulliuttut marluk ingerlaneranni aalisarneq pitsaanerulersimavoq. Maannali Qeqertarsuup Tunuani qalerallit pisaasartut tulaanneqartartullu siornamut naleqqiullugit malunnaatilimmik ikileriaqqipput, Sermitsiaq allappoq.

Ilulissani Royal Greenlandip aalisakkanik suliffissuaataanut, siorna januarip aallaqqaataaniik junip naaneranut qalerallit tunineqarsimasut, ukioq manna piffissami tassanerpiaq tunineqarsimasunut naleqqiullugit amerlanerungaatsiarput. Tamannalu sikuusarnerata allanngorneranik Ilulissallu Kangerluata siornamut naleqqiullugu sivikinnerusumik aalisarfiusimaneranik pissuteqarsimasinnaasoq, Royal Greenlandimi avanaani qalerallit pillugit ingerlatsinermut pisortaq, Niels Ole Møller oqarpoq. 

Nunaqarfinni tunisineq appariartoq

Qalerallit Ilulissat Kangerluani pisat, Ilulissat saavanni pisanut naleqqiullugit anginerupput. Qalerallillit tunisat ikileriarnerat Ilulissani aalisakkanik suliffissuarmut annerusumik sunniuteqarsimanngikkaluartoq, Qeqertami Saqqamilu aalisakkerivinni tunisassiornermut sunniuteqarnerlunneruvoq.  

Qeqertap Saqqallu eqqaa  siornatigumut naleqqiullugu ukiukkut sikkorlunnerusalerpoq, tamannalu aalisarnermut annertuumik sunniuteqarnerluppoq. 

- Silaannaap sikuusarneralu allannguuteqarnerisa kingunerisaanik, nunaqarfinni taakkunani ukiukkut aalisarneq ajornakusoortorujussuanngornikuuvoq. Taamaattumik ukiuunerani aalisarneq Ilulissat eqqaani Ilulissallu Kangerluani annerusumik ingerlanneqarpoq, aammali tamaani aalisarneq kinguariarfiuvoq, Niels Ole Møller oqarpoq. 

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER