Skip to main content

Qeqertarsuup Tunuani kinguaattoornerit naammagittaalliutigineqartut

Air Greenland Ilulissani, Qeqertarsuarmi, Aasianni Qasigiannguanilu silaannakkut angallassisinnaangilaq marlunngormalli. Ilaasut takornarissallu taamaasillutik eqqorneqarput

Qeqertarsuup Tunuani silaannakkut angallassineq unitsinneqqagallarpoq sila peqqutaalluni marlunngormalli, tassani ilaasussat takornarissallu eqqorneqarput. Kisianni ilisimaneqarpoq qulimiguulik Bell 212 atussallugu naleqqutinngitsuusoq, taamaattumik Qeqertarsuup Tunuani sumiiffinni assigiinngitsuni kinguaattoornerit unititsiinnarnerilluunniit amerlasarput. 

Peqqutaasut suugaluarpataluunniit ilaasussanut eqquisarpoq. 

- Ullut pingasut angalanissagut unitsiinnarneqareersut ullaaq nalunaaqutaq tallimanut itersarneqarpunga. Qulimiguulik ilaaffissara unitsiinnarneqarsimasoq nalunaarfigineqarpunga. Qeqertarsuup heliportiani sullinneqanngilagut ippassaq nalunaaqutaq ullaakkut arfinernut ornigukkatta. Sivitsunngitsoq takusinnaalerparput angalanissarput unitsiinnarneqarsimasoq. Taanna pereeriarmat billetsissagut allanngortinneqarneranut tunngasunik tunineqarpugut, taamatut sullissineq ajorpallaaqaaq, Aasianni atuarfeqarneq pillugu oqallinnermi peqataasussaq, atuarfimmi pisortaq Kristian Egede Slot oqaluttuarpoq.

- Nuutsitaaqattaarneq nuanninngilaq. Nalunngilara apriilimi sila nikerarsinnaasartoq kisianni qulimiguullit Bell 212-it maani angallassisussaasutut tulluarsorinngilakka. Tusartarparami qulimiguulik taamaattoq sila taartillugu aamma apitillugu tulluartuunngitsut, kisianni maani sila taamaakkajuttuuvoq, Kristian Egede Slot oqarpoq. 

Kangerlussuarmi angallassisaqattaarnerit
Qeqertarsuup Tunuani takornariarpassuit aamma angalaniaqqittut unittooqqarrapput. S-61-ip Kangerluassuarmi takornariartitsisimanera takornariat paasisinnaanngilaat, isumaqarpummi angalaniartut kiffartuunneqartariaqaraluartut. 

- Sullissinermi tulleriiaarineq pitsaanngippallaaqaaq. Takornariartitsilluni angallassinerit salliunneqarput angalasunit. Danmarkimi suliassarpassuaqarlutalu isumaqateqartareeraluarpugut. Ilinniakkannut atatillugu pingasunngornermi illersuisussaagaluarpunga aamma sulisussaagaluarpunga sisamanngorpat, kisianni naammattoorsinnaanavianngilakka. Qatanngutera ulluni sisamani atuanngittoortariaqalerpoq. Air Greenlandimit nalunaarutigineqanngitsut pitsaanngippallaaqaat, nammineerlutami paasiniartarparput angalanissarput unitsiinnarneqarsimanersoq. Aamma nammineerluta unnuisarfimmukarpugut, nerisassagut nammineq akilerpagut neriniartarfiup matoqqanera pissutaalluni, Søren Zartov qatanngutini marluk ataatanilu peqatigalugu Qeqertarsuup Tunuani angalasoq, oqaluttuarpoq.

Air Greenlandip pisortaanerata Michael Højgaardip oqaaseqarnissaa Sermitsiaq.AG-mit utaqqimaarneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER