Skip to main content

Qeqertarsuatsiaani peqqissaavik suli matoqqasoq

Qeqertarsuatsiaani peqqissaavimmut qinnuteqartut kingulliit marluk piffissaq kingulleq atorlugu atorfininnissaraluaminnik taamaatitsiinnarput, nunaqarfimmiorpassuillu peqqi ssaavimmik matoqqanera akueriinnartariaqarpaat

Sermitsiaq nr. 17-imi oqaluttuaraarput Nunarput tamakkerlugu peqqissaaviit pingasut sulisussaqannginnerat pissutigalugu matoqqatinneqartut. Peqqissutsimut naalakkersuisup Martha Abelsenip tamanna uppernarsarpaa. Nunaqarfiit taakku ilaat tassaavoq Qeqertarsuatsiaat, taanna nunaqarfiuvoq angisooq Nuup kujataaniittoq, 200-t missaannik inulik.

Aviisi Sermitsiaq taama allaaserisaqarpoq.

- Nunaqarfimmut sulisussarsisinnaanerput ajornartorsiutigisorujussuuarput. Ungasippallaanngitsukkut sulilerniarlutik qinnuteqartut marluupput, taakkuli piffissaq kingulleq atorlugu qinnuteqaatiminnik taamaatitsiinnarput. Taamaattumik peqqissaaviup piffissami qaninnerusumi ammaqqissinnaanissaa massakkut ilimanaateqanngilaq, Martha Abelsen taama ilisimatitsivoq.

Tamatuma kinguneranik Dronning Ingridip Napparsimmavissuata sulisuni paarlakaajaallugit Qeqertarsuatsiaanut suliartortittarpai, ilaalli aallaannarsinnaasanngimmata, meeraqarnertik pissutigalugu, Qeqertarsuatsiaani peqqissaavimmut sulisussarsiniarneq ajornakusoortorujussuusimavoq. Avataanit sulisussarsiornissaq aamma misilinneqarsimagaluarpoq, tamatumanili nutserisoqarnissaq pisariaqartinneqassalluni. Naalli ilungersortoqaraluartoq, maannamut suli atorfinitsitsisoqarsinnaanngilaq.    

- Kommuneqarfik Sermersuumi nakorsanut qullersap Jesper Olesenip, Inatsisartut Ilaqutariinnermut Peqqissutsimullu Ataatsimiititaliaanik ataatsimeeqateqartilluni oqaatigaa, peqqissaavimmi kisimiilluni atorfeqassagaanni sapiissuseqartariaqartoq. Pikkorissarnernut ilinniaqqinnernullu peqataasimagaluartunilluunniit, ilinniagaqarsimasunik ilinniagaqarsimanngikkaluartunilluunniit, sulisunik peqqissaavimmi kisimiillutik sulinissaminnut sapiissuseqartunik atorfinitsitsisinnaaneq ajornakusoornerulersimavoq. Sulisorineqartut assigiinngitsorpassuarnik misigisaqarsinnaasarput, aamma naak nunap immikkoortuani napparsimmavimmut attaveqarluarnikkut tunuliaqutaqarluartaraluartoq, nunaqarfinni tamani malugineqarsinnaasutut sulisussarsisinnaaneq ajornakusoornerulersimavoq, sulisummi kisimiillutik sulisuunissartik ornigineq ajormassuk.

Nunaqarfiillu ilarpassuini nunaqarfimmiut ima ikitsigisarlutik sulisunik marlunnik atorfinitsitsisoqarsinnaasarani, Martha Abelsen nassuiaavoq.    

Kisimiittutut misigisimasartut 

Oqallisigineqartunut aamma ilaasimavoq aaqqiissutaasinnaanersoq, pisortani sulisut tamarmik naapeqatigiittalersinnaanerat, taamaalillutik ulluinnarni sulinerminni kisimiittutut misigisimannginniassammata. Taakku tassaasinnaallutik isumaginninnermik suliaqartoq, peqqissaavimmi sulisoq, Nukissiorfinneersoq, nunaqarfinni aqutsisuneersoq imaluunniit pisortani sulisoq alla, kisimiilluni suliamik ingerlatsisoq. Taakku arlaatigut suleqatigiissinnaapput, taamaalillutik kisimiittutut misigisimannginniassagamik.

Tamanna pillugu Sermitsiami paasisaqarnerugit – uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER