Qeqertarsuarmi kulturimut nipilersornermullu peqatigiiffik nutaaq pilersinneqartoq

Qeqertarsuami kulturimik nipilersornermillu suliaqartartut sapaatiummat nutaamik peqatigiiffittaarput.

Partii Inuit siornatigut siulittaasuat, Nikku Olsen, peqatigiiffimmi siulittaasunngorpoq.

- Kulturimik nipilersornermillu suliaqartartut peqatigiiffittaavani anguniakkat siammasissorujussuussapput, meeqqaniik utoqqarnnut innuttaasunut pikialaartitsisarnerit ilinniartsisinerillu assigiinngitsut ingerlanneqartassasut suliniutigineqarssaaq, taanna tusagassiuutinut nalunaarummi allappoq.

Illoqarfik eqqumiitsuliortunik ulikkaartoq
Taassuma erseqqissarpaa, eqqumiitsuliortut atugaat aamma peqatigiiffimmi salliunneqassasut.

- Qeqertarsuarmi inuit assigiinngitsorpassuarnik piginnaasaqarluartuummata isumalluarluta nuannaarlutalu angusaqarluarumaarnissarput qilanaarutigisorujussuuarput, Nikku Olsen oqarpoq.

Aaku siulersuisut:

• Siulittaasoq Nikku Olsen

• Siulittaasup tullia Larsine Storch

• Ilaasortaq Pauline Mølgaard

• Ilaasortaq Aviaja Rasmussen

• Ilaasortaq Arne Broberg

• Ilaasortaq Jan 'Kuuka' Svendsen