Futsalimi GM
Qavaat futsalimi GM-mut piareerput
Illup iluani arsaannermi futsalimi anngunniunnerit aallarteruttorput. Kujataani angusat takukkit
K-33 Qaqortumeersoq aamma Eqaluk 54 Tasiusameersoq illup iluani arsaannermi futsalimi GM-qarnissaanut kujataaniit annguttuupput. Tamanna paasinarsivoq kujataani anngunniunneq sapaatip akunnerata naanerani Qaqortumi pisoq naammassimmat klubbinit pingasunit peqataaffigineqarluni.
Anngunniunnermi peqataasut tassaapput K-33 Qaqortumiik, N-85 Narsamiik aamma Eqaluk 54 Tasiusameersoq. Taakku imminnut marloriarlutik unammipput. K-33 aamma Eqaluk 54 N-85-miit malunnartumik pitsaanerupput. Unammisaqattaarnerit naggaserlugit K-33 aamma Eqaluk 54 imminnut unammipput unamminermi siullermi 2-2-mik naligiiginnariarlutik aappassaannik unamminermi K-33 4-2-mik ajugaalluni.
Aajuku angusat:
K-33 - N - 85 : 8 - 5
K-33 - N - 85 : 6 - 1
Arfininngornermi Eqaluk 1954 Tasiusameersoq aamma N-85 Narsameersoq 2 imminnut marloriarlutik unammipput.
Imatut angusaqarput:
Eqaluk 1954 - N-85 : 3 – 0
Eqaluk 1954 - N-85 : 9 – 7
Sapaammi aaqqissuisut K-33 aamma Eqaluk 54 imminnut marloriarlutik unammipput imalu angusaqarput:
K - 33 - Eqaluk 1954 : 2 – 2
K - 33 - Eqaluk 1954 4 - 2