Qatserussutit tamakkiisumik qatserisinnaanngitsut
Ukiut pingasut sinnerlugit Qaanaami sillimaniarneq tamakkiisuunngilaq, tamannalu politiit Mittarfeqarfiillu ernummatsigaat. Ajornartorsiutilli aaqqiivigineqalernerarlugit Avannaata Kommunia eqqissisaavoq.
Qatserisartut qatserutaasa imermut ruujorii decemberimi 2016-imi qerisoorlutillu qaarsimapput. Ukiut pingasut qaangiutereeraluartut suli aaqqinneqarsimanngillat. Avannaata Kommunia sillimaniarnermut tunngasunut akisussaasoq, imaannaanngitsumik inissippoq.
Aviisi Sermitsiaq taama allappoq.
- Sillimaniarnikkut pissutsit taamaannerat annertuumik isornartoqarpoq, ikuallattoqassagalarpammi mittarfimmiluunniit ajunaarnersuartut ittumik pisoqassagaluarpat, ajorluinnartumik kinguneqarsinnaavoq, David Qujaukitsoq, politiusimasoq mittarfinnilu sillimaniarnermut qullersartut sulisimavoq, oqarpoq.
Avannaata Kommuniani borgmesteri Palle Jerimiassen, Siumut, tamanna pillugu oqaaseqarumanngilaq, kommunillu sillimaniarnermut pisortaa Jens Marius Dahl oqaloqatigineqassasoq innersuussutigalugu. Taannali aamma annerusumik oqaaseqarumanngilaq, taamaattorli suliaq ingerlasoq, ajornartorsiutillu piffissami qanittumi aaqqiivigineqalertut taassuma erseqqissaassutigaa.
Aviisimi Sermitsiami atuarnerusinnaavutit - aviisi uani pissarsiariuk: