pilluarit
Qatserisartut nersorniarneqartut
Qatserisartut marluk ukiuni qulini sulisimanermini ataaserlu ukiuni 25-ni sulisamanerminni nersornaatisitinneqarput
Qeqqata Kommuniani, Sisimiuni qatserisartut pingasut ukiuni qulini, 25-nilu angusaqarneranni kommunalbestyrelsip ataatsimiittarfiani nalliuttorsiutigineqarput.
Otto Kielsen, Akku Qaqortormi 1991-mi 13. Marts qatserisartunngorpoq, ukiunilu 25-ni qatserisartuusimanerani Dronning Margrethe aappaata nersornaasiuttagaanik nersornaaserneqarpoq. Akku Sisimiuni qatserisartunngorpoq 2015-imi.
Siverth Poulsen 2006-mi 16. November qatserisartunngorpoq, taamaasillunilu ukiuni qulinngortorsiorluni.
Upalungaarsimanermut ikiorti Karl Berthelsen ulloq taannattaaq 2006-mi qatserisartunngorpoq taamaattumillu aamma ukiuni qulini qatserisartuusimanerminut nersorneqarluni.
- Uku qatserisartut pingasut pikkorissuupput, tatiginartuullutik uummatimikkullu qatserisartuullutik. Qatserisartuuneq suliffiinnaanngilaq inuusaasiullunili, Upalungaarsimanermut pisortaq Ole Kreutzmann oqarpoq.
- Kikkut tamarmik illumik ikuallattumik qimaagaangata qimaaffiatigut iserlutik qatseriartortarput.
Borgmester Hermann Berthelsen aamma ukiorpassuarni qatserisartuusimasunut qujaniarpoq, puigoqqunngilaali aamma aappaasut qatserisartunut tunuliaqutaasartut angerlarsimaffimmillu ingerlatsisuusartut qatserisartutut suliartoraangata.