Skip to main content

Qatserisartut drone-taatut

Qaasuitsup Kommuniani Annaassiniartartutut Upalungaarsimasuisa dronet atulerpaat. Pinngortitami ikuallattoqarnernani taanna ikiortigissassavaat, ujaasinernilu taanna aamma atorneqarsinnaalluni.

Qaasuitsup Kommuniata Annaassiniartartutut Upalungaarsimasui nunamiik "timmisartortartunngussapput".

Taama pisoqassaaq dronenik marlunnik, Ilulissani inissinneqarsimasunit.

- Pinngortitami ikuallattoqartarnerani unammillingassat annertunerisa kingunerisaanik suliaq aallartissimavarput, upalungaarsimasut pisortaat, Bjarne Gregersen, Sermitsiaq.AG-mut oqarpoq. 

- Ikuallattut annertussusaa uangutsinnut nalileruminaassinnaasarpoq.

Ikuallanneq qamivissimanersoq takusinnaavaat

Dronet siunissami qatserisartut ikiorsinnaalissavaat. Taassuma ikuallattup ikumanerpaaffia, innerup uniffissaa, sumiiffissisinnaavaa.

Taassuma saniatigut isorartussutsit slangenik atugassanik uutortaanermut pumpe-llu qassit atornissaannut naliliinermut atorneqarsinnaallutik.

Dronep aappaa kissamut malussarissumik, pinngortitami kissassutsimik takussutissiisinnaasumik assiliuserneqassaaq.

- Kissamut malussarissumik assiuliutip atorneratigut, aamaartoqarnersoq takusinnaalissavarput, Bjarne Gregersen oqarpoq.

- Taamaasilluta qamisakkatsinnit qimagutiaarpallaartarnerit atorunnaarneqassapput, ikuallattumulli orniguteqqittariaarutissalluta.

Ujaasinerit

Dronet kissamut assiliissutitallit ujaalernermi aamma tulluussagaalluartuupput. Piffiit ornikkuminaatsut dronet qulaaqqussinnaavaat, assiliissutilli inuup kissarneranik takunnissinnaalluni.

Periarfeerunneqartunik ujaasinermi annaassiniartartut atorneq ajorpaat, politiilli ikiorneqarnissamik kissaateqarsinnaallutik.

Silarlutsillugu qulimiguullit angalasinnaajunnaarneranni, dronet atorneqarsinnaanersut, Bjarne Gregersenip ima naliliivoq.

- Dronet nakkaraluarpat, atortuinnaq annaaneqassaaq, taanna oqarpoq.

Soorunami dronet aamma timmiffigisinnaasaat killeqarput.

Qatserisartoqarfinni tamaginni

Dronet siullermik ukiuni marlunni misiligutaangallartumik atorneqassapput, misileraanerlu naammassippat upalungaarsimasut taassuma suliassanut atuinnarneqarsinnaanera naliliiffigissavaat.

Kommuninngortussami upalungaarsimasuutitat atungarineqalernissaa siunertaasoq, upalungaarsimasut pisortaata isertuutinngilaa.

- Qatserisartoqarfiit tamarmik dronemik peqalernissaat neriuutigaara, Bjarne Gregersen oqarpoq.

Akuersissutip piniarnera ajornakusoortoq

Maanna killiffitta anguniarnera immikkut iliuuseqarfiusimanera isersuutissanngilara. Dronenimmi taama atuinissaq angallannermut sanaartornermullu Danmarkimi ingerlatsiveqarfimmut immikkut akuersissummik piniaqqaartariaqarpoq.

- Immikkut akuersissummik pissarsiniarneq ajornaatsuinnaasimanngilaq, upalungaarsimasut pisortaat oqarpoq.

Dronet ingerlatsinermi atorneqarnissaat pillugit immikkut 70-nik quppernilinnik quppersangaliornissaat allaat pisariaqarsimavoq. Aammalu dronemik timmisitsisinnaaneq ilinniarneqartariaqarluni, akuersissuteqanngikkaannili timmisitsisinnaaneq imaasiallaannaq ilikkarneqarsinnaanani.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER